Dili (timorPost.com)—Reprezentante povu iha Uma Fukun Parlamentu Nasionál (PN), kontinua levanta problema kona-ba eletrisidade lakan mate, iha Suku Komoro, Postu Administrativu Dom Aleixo, munisípiu Dili.
Deputada Veneranda Lemos, levanta asuntu ba problema eletrisidade iha ámbitu diskusaun no aprovasaun proposta lei Orsamentu Retifikativu, ne’ebé realiza iha plenária parlamentár.
“Ha’u atu hato’o de’it informasaun, tanba Governu iha ne’e, favor ida tau hela atensaun ba eletrisidade ne’ebé mak mate iha parte Komoro ninian, dezde Kuarta dadersan tuku 1:00 to’o 12:00 seidauk lakan,” nia kestiona iha Parlamentu Nasionál, Kuarta (23/08/2023).
Lejizladora ne’e hatete, informasaun dezkontente hato’o husi komunidade sira iha suku Komoro, ne’ebé hakarak atu akompañia debate Orsamentu Retifikativu 2023 liuhusi kanal televizaun, maibé tanba eletrisidade mate, sira triste hodi kontaktu direita ba deputada ne’e.
“Komunidade parte Komoro hakarak atu akompañia diskusaun ida ne’e, liuhusi transmisaun direita RTTL,EP no GMNTV, maibé listrik mate hela sira lalebele akompañia”, nia preokupa.
Tan ne’e, Governu bele halo koordenasaun ho parte Eletrisidade Timor-Leste (EDTL), atu hadi’a lalais no halakan eletrisidade ahi Komoro, nune’e povu bele asesu diskusaun.
1,179 total views, 3 views today
Bele hare Video Seluk :