(Reportajen Marcelino Tomae/Editor Augosto Sarmento)
DILI-Loron importante (ohin) volta daruak sai loron triste ba jornalista media nasionál Flora Alves tanba nia ba iha sentru votasaun maibé nia hasoru dezafiu atu ezerse direitu votu.
Situasaun triste ne’ebé jornalista flora atu hatudu ninia hala’o devér nu’udar sidadaun di’ak hodi ezerse direitu síviku hodi hili prezidente repúblika ho mandatu tinan lima lai la sai hasoru ostakulu.
“Ohin ami tama ba laran ami fó kartaun ne’ebé mak iha ho eleitorál maibé sira dehan jornalista Sira Labele vota iha Sentru votasaun Paralelu tanba naran ba jornalista sira laiha no númeru” haktuir Flora Alves ba Jornalista sira iha sentru Votasaun Paralelu INAP, Tersa (19/04).
Tuir Jornalista independente Flora Alves hatete, nia tama ba laran hatudu kartaun kredénsial ho eleitoral maibé jornalista labele vota iha sentru votasaun Paralelu.
Nia hatutan, maibé ikus mai ekipa husi STAE bolu fali jornalista sira no autoriza bele vota.
Nia subliña, nia tama tiha laran membru STAE haruka sai fali, entaun nia konfirma fali kolega jornalista ida husi tatoli Camilo Souza Vota tiha ona.
“Ha’u tama ba laran ho kolega. Sira (ofisial eleisaun) haruka ha’u sai, depois ha’u konfirma fali kolega jornalista ida husi Tatoli, depois membru STAE sira haruka Bolu Fali Ha’u”, haktuir Flora.
Iha Fatin hanesan Prezidente meza Sentru votasaun paralelu Jose Ximenes Hatete, ba jornalista sira loloos ne’e hatete jornalista tuir loloos vota hotu soke eleitorál laiha tanba iha númeru eleitorál númeru karta kredénsia mós tenke tau.Nia hatutan Tanba ne’e Kartaun Buletin indentidade mós la bele, tanba ne’e ida mak la bele fó vota ba jornalista sira.
“Ami la fó vota tanba eleitoral laiha ne’e mak ami la fó, karik mai mak kompletu ami bele fó atu ezerse imi nia diretu” nia hakotu.(Lee notisia seluk iha Timor Post/Asesu You Tube Timor post)
1,211 total views, 3 views today
Bele hare Video Seluk :