(Reportajen Olga Soares/Editor Mateus da Cruz)
DILI- Governu Japaun iha Timor-Leste, fó apoiu fundu ho montante 461,226 USD ba Sekretariadu Estadu Protesaun Sivíl no ba NGO 4, orsamentu ne’e sei utiliza hodi halo konstrusaun ba Eskola, postu saúde no sosa karreta ba bombeirus.
Embaixadór Japaun iha Timor- Leste, Masami Kinefuchi, hatete, tinan ida ne’e marka tinan 20 aniversáriu restaurasaun indepéndensia TL nian no mós tinan 20 aniversáriu hosi relasaun formal entre Japaun no TL.
Tanba ne’e hateke fila-fali ba kotuk katak hafoin referendum iha tinan 1999, Japaun Konvoka konferénsia doadores internasionál dahuluk nian iha Tokyo, ho inisiativa atu apela ba ajudus international nian hodi suporta TL.
Hahú kedas iha momentu ne’ebá Japaun kontinua suporta konstrusaun nasaun ida ne’e iha setór infraestrutura, dezenvolvimentu rekursu umanu no mellhoramentu servisu sosiais.
“Ohin lokraik ida ne’e ita iha asinatura entre embaixada Japaun iha TL no reprezentante ONG no autoridade sira, tanba apoiu orsamentu USD 461,226, sei utiliza ba konstrusaun eskola no saúde inklui sosa karreta ba SEPS”, Kinefuchi hato’o lia hirak ne’e liuhosi nia diskursu iha ambitu serimónia asina projetu entre Governu Japaun ho ONG sira, iha Salaun Embaixada Japaun, Sesta (25/03).
Embaixadór Japaun ne’e konta, to’o ohin loron Governu Japaun ajuda ona projetu eskola boot barak ho finansiamentu tokon 50 USD.
“Ami fiar importánsia hosi eskola projetu ki’ik sira ne’e bele benefísia diretamente ba ema komunidade sira iha area remotas, durante ne’e ami kompleta ona projetu maizumenus atus rua iha territóriu tomak”, Nia informa.
Diplomata ne’e relata, iha projetu 127 mak hanaran projetu GGP no projetu 5 ne’ebé mak foin asina minutu balun liu ba mak adisaun ikus nian ba kategoria ba GGP.
1,020 total views, 3 views today
Bele hare Video Seluk :
Subscribe to Timorpost
