ADVERTISEMENT

Finadu Tinan Ne’e iha Baukau Hakmatek

Timor Post - Baucau
  • Share

Timor Post (04/11/2020)- Komandante PNTL Munisípiu Baukau, Superintendente Xefe Armando Monteiro hateten, finadu tinan ida ne’e PNTL susesu lori situasaun hakmatek ba populasaun munisípiu Baukau tanba la iha asidente no kazu asaltu malu hanesan tinan balun ba kotuk.

“Durante finadu tinan ida ne’e laiha problema ida mak akontese, situasaun la’o normal no komunidade sira viajen ba mai mós situasaun la’o hakmatek”, Armando informa iha tersa (03/11).

Enkuantu situasaun kondusivu ne’e akontese tanba Komandu PNTL munisípiu Baukau servisu hamutuk ho Komponente Terestre FALINTIL-Forsa Defeza Timor-Leste (F-FDTL), Polisia Militár (PM) no mós Batallaun Orden Publika (BOP), inklui mós eskuadra PNTL iha Postu no mós Ofisial Polisia Suku (OPS).

Eis Komandante Munisípiu Dili no Bobonaru ne’e rekoñese akontese krime maibé kategoria ofensa integridade fízika simples ne’ebé la fó impaktu ba situasaun jerál.

“Kazu ofensa publika fízika simples ne’e, akontese iha Postu Administrativu Laga ida, no mós iha Munisípiu Baukau Vila mak hitu, maibé sira ne’e mai hosi Alkóliku no problema entre família uma laran de’it laiha problema seluk. Maibé koloka kedas PNTL ba hodi konsege hapara hotu problema refere, ne’ebé problema boot laiha.

Timor Post observa PNTL munisípiu Baukau servisu maka’as tebes tanba durante loron matebian to’o remata la iha kazu asaltu no tuda malu, alende ne’e pasajeiru munisípiu sira hosi Viqueque no Lautem la’o seguru.(Jornalista: Jaime Pires)

 545 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Finadu Tinan Ne’e iha Baukau Hakmatek” A few seconds ago

Lee Mós :
Tauk Hakbesik-an ba FS, Kelikai Mate Naba-Naba

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No