BAUKAU(timorpost.com)—Hafoin Timor Leste ukun rasik an, tinan rua nulu resin ona seidauk iha Sede Aldeia própriu, tanba ne’e autoridade aldeia hamutuk ho komunidade sira aseita hamutuk ona hodi kontribui osan harii sede Aldeia ida aldeia Lia-Bala suku Uato-Haco, Postu Administrative Venilale, Munisípiu Baukau.
Rezultadu enkontru, define ona katak osan kontribuisaun ne’ebé contributor sira sei fó kompostu intelektuál Lia-Bala Oan ne’ebé servisu iha Venilale vila, Baukau no Dili kontribui Osan dolar Rua nulu kada intelektuál, komunidade bai-bain kontribui Osan dolar lima inklui ai-han bainhira hahú ona konstrusaun.
“Ita nia komunidade balun oferese ona Sira nia Rai gratuita ho medida 20×20 metru Atu harii sede aldeia entaun Ami autoridade aldeia, veteranu, intelektuál balun ho komunidade sira Realiza enkontru tau hanoin hamutuk hasai karta sirkulár Ida Husu Kontribuisaun osan dolar rua nulu mai kraik hodi harii sede aldeia, “Dehan xefe aldeia Lia-Bala suku Uato-Haco postu administrativu Venilale Antonio Moises Piedade, Sábadu (10/2) iha Baukau vila.
Dezisaun husu osan kontribuisaun la’ós mai husi inisiativa ema indivíduu Ida ka rua nia hanoin maibé desizaun ne’e desizaun koletiva tanba tempu naruk ona bainhira iha enkontru ruma ka orden suku ou postu nian hala’o de’it iha uma privadu ne’ebé sempre difikulta iha prosesu atendimentu.
“Depois Ami hasai Karta sirkulár Ida hato’o ba aldeia Lia-Bala Oan Sira ne’ebé Hela iha Venilale vila, Baukau no Dili Sira ne’ebé intelektuál Ami kobra sira dolar Rua nulu, komunidade bai-bain ne’ebé Hela iha aldeia laran dolar lima tanba bainhira konstrusaun Lao Sira kontribui MOS ai-han,” Dehan Xefe aldeia.
“Uluk iha tempu Indonézia harii provizória iha area besik Ariana, muda Mai Uailako, iha tempu ukun an Tiu Crispim Nia ukun sede aldeia tau iha Nia Uma, Xefe aldeia sesante Claudino MOS sede aldeia tau iha Nia Uma tanba nee Ha’u Nia planu hakarak harii sede aldeia duni maskí husi ministériu Administrasaun Estatál harii sede aldeia la iha, so harii mak sede suku,” nia dehan.
Komunidade ne’ebé atu servisu harii sede Aldeia, fahe ba grupu tolu, grupu Ida populasaun ne’ebé Hela iha aldeia sentru, grupu segundu komunidade Sira ne’ebé Hela iha area Lelabaidae ho Daralata no grupu terseiru populasaun Sira ne’ebé Hela iha area Ariana ho Venilale vila.
Husi Sorin seluk, intelektuál Jose M.Correia hateten, hanesan aldeia Oan Prontu kontribui hodi harii sede aldeia tanba durante periodu hirak ba kotuk Xefe aldeia troka malu sede aldeia tau de’it iha ida-idak Nia Uma maibé Xefe aldeia Agora iha ona planu, prontu kontribui tanba parte governu seidauk harii sede aldeia.
“Hanesan intelektuál husi aldeia Ida ne’e prontu atu fó kontribuisaun hodi harii Ami Nia sede aldeia rasik Atu nune’e bainhira enkontru KA problema ruma rezolve iha sede aldeia la’ós ba fali iha Uma,”Nia Apresia.
Tuir planu bainhira lista kontribuisaun finaliza ona total osan Hira, hafoin kontinua kedas servisu konstrusaun harii uma sede aldeia ho modelu hanesan sede suku.
2,817 total views, 3 views today
Bele hare Video Seluk :
Subscribe to Timorpost
