ADVERTISEMENT

Ema Ne’ebé Tuda Membru Polisia Konsidera Anti Demokrasia

Mario da Costa - Baucau · Defeza no Seguransa · Jeral
Jornalista : Caetano Guterres
Editor : Mário da Costa
  • Share
Pedro Belo. Imajen Esp.

BAUKAU (timorpost.com)-Segundu Komandante Jerál Polisia Nasionál Timor Leste (PNTL), Pedro Belo, hatete ema ne’ebé tuda membru PNTL no militante partidu seluk, konsideradu anti demokrasia tanba sira nia hanoin sei hanesan tempu pasadu.

Kestaun ne’e nia koloka relasiona ema pesoál kriminozu balu tuda kanek membru polisia eskuadra Venilale iha area suku Uailili, postu administrativu Baukau vila, bainhira akompaña militante no simpatizante husi partidu CNRT partisipa kampañia eleitorál iha kampu futeból suku Ttiloka semana rua ba kotuk.

ADVERTISEMENT
SCROLL FILA BA NOTISIA


Nia esplika, hahalok ema ne’ebé tuda polisia, no militante partidu seluk la’o liu, ne’e ema ne’ebé lakohi para demokrasia atu buras iha Timor Leste no viola Konstitusaun RDTL ne’ebé fó garantia liberdade atu hili partidu ida ne’ebé sira hakarak.

Maski nune’e, nia dehan polisia nafatin iha responsablidade asegura prosesu demokrasia ne’e bele la’o ho di’ak tanba ne’e sira la fó toleransia ba ema pesoál kriminozu atu halo arbiru de’it ka halo hahalok impedimentu ba povu nia liberdade.

Lee Mós :
Munisípiu Rua Sai Risku ba Kauza Soe Bebé

“Buat ne’ebé ami-nia membru sente ami mós sente, ema ne’ebé tuda membru polisia la’ós komunidade, see ita dehan komunidade mak tuda entaun komunidade iha Timor laran tomak hamrik tuda ita-nia membru sira,” nia hateten ba Timor Post, hafoin halo vizita dahuluk ba Komandu Munisípiu Baukau, Segundu (08/05/2023).

Nia hatutan, vitíma barak ona, maibé ema pesoál kriminozu ne’ebé lakohi demokrasia atu la’o loloos, iha ema balun ne’ebé hakarak atu impede ema nia liberdade atu partisipa iha partidu ida ne’ebé sira hakarak, nune’e ema ba tuir kampaña bainhira fila sira tuda, ida ne’e ema ne’ebé anti demokrasia mak halo aktu ida ne’e.

Nia dehan, ema balun ne’ebé tuda membru polisia no militante partidu ema ne’e hakarak kontinua kaer metin buat antigu nian no lakohi aprende buat modernu, maibé ho asaun hirak ne’e membru sira-nia mental sai makas, maduru no forsa liután hodi asegura demokrasia iha rai ida ne’e.

Lee Mós :
Xanana Promete Dignifika Ferik, Katuas, Defisiensia no Veteranu sira

“Demokrasia iha Timor la’o duni, la’ós sira mai koko ami para halai sees husi fali demokrasia lae, ami sei hatudu ba sira katak iha tempu kampaña eleitorál semana ida resin ami sei asegura nafatin para povu sira la’o hakmatek to’o tempu eleisaun,” nia afirma.

Nia hateten tan, “Ami-nia membru sira sei la rende ba ema pesoal halo kriminozu, maibé sira firme nafatin sira nia servisu, i ha’u koñese sira sei la halai tanba antes ha’u muda ba Dili uluk mós sai komandante iha Baukau, ne’ebé ha’u hatene sira-nia mental hanesan mental baza, bainhira tuda dala ida sira sai makaas liután, sira atu halai mak sei la halai,” nia fó korajen.

Iha tempu hanesan Komandante PNTL munisipiu Baukau superintendente Xefi Antonio Maria de Sa, hatete iha akontesimentu ne’e komandu polisia Munisípiu Baukau, konsidera krime eleitorál tanba ne’e komandu konsege asegura ona suspeitu nain haat no kazu ne’e iha hela Tribunál hein de’it prosesu tuir mai.

Lee Mós :
PST Realiza Debate Kona-ba Polítika Ideolójika

Momentu kampaña partidu CNRT nian iha kampu futeból Triloka bainhira fila ema deskoinesidu balun tuda iha area suku Uailili, konsege kona duni membru ida husi eskuadra Venilale nian ida ne’ebé halo seguransa ba militante sira atu ba fali postu Venilale mak ema tuda husi kotuk rezulta membru polisia ho naran ajente Xefi Moises.

Hakarak informa katak maski semana hirak ba kotuk akontese kazu tuda membru polisia, maibé ikus-ikus ne’e situasaun la’o kontroladu.

 2,367 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ema Ne’ebé Tuda Membru Polisia Konsidera …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No