AINARO (Timor Post)—Sekretáriu Estadu Péskas, Elídio de Araújo, kontinua halo kampaña vasinasaun kontra Surtu COVID-19 ba komunidade sira iha Aldeia Tukaro, Suku Nono-Moque, Postu Administrtivu Hatu-Builiko, Munisípiu Ainaro, Segunda (12/10/2021).
Objetivu husi asaun ne’e atu konsensializa populasaun tomak labele fiar rumoris kona-ba vasina kontra moras daet COVID-19 oho no haterus ema.
Governante ne’e husu ba komunidade sira atu hakbesik-an ba sentru vasinasaun atu bele simu vasina husi pessoal saúde sira nune’e bele hasa’e imunidade ema ida-idak nian.
Nia hatutan, vasina hanesan alternativu prinsipal ida ba ema hotu iha mundu aumenta imunidade no sistema rezisténsia isin lolon hodi kontra virus ka baketria ne’ebé atu invade iha ema nia isin.
“Iha mundu nasaun barak maka afeta ba moras COVID-19 hodi halokan ema nia vida no hamate mos sira nia roda ekonomia,” Ilídio hatete.
Tanba ne’e, nia kontinua husu ba populasaun tomak atu labele fiar rumoris sira no rona de’it informasaun offisial husi parte kompetente sira liuliu Sentru Integradu Jestaun Krize, governante sira liuhusi Ministériu Saúde, autoridade lokál.
Hafoin hetan esplikasaun husi Sekretáriu Estadu Ilídio, komunidade sira entuziazmu ba simu kedas vasina iha fatin kampaña vasinasaun Postu Hatu-Builiko.
Iha kampaña vasinasaun ne’e, marka mos prezensa husi Prezidente Autoridade Munisípiu Ainaro, Autoridade Postu Hatu-Builiko no Autoridade Suku. Media_Officer_G-Sekretaria Estadu Peskas / Editor Noemio Falcao
808 total views, 3 views today
Bele hare Video Seluk :
Subscribe to Timorpost
