Timor Post (04/10/2020)—Reprezentante Povu iha uma fukun Parlamentu Nasionál (PN) preokupa ho frajilidade kontrolu iha liña fronteriza tanba rezultadu hatudu sidadaun sira kontinua tama-sai ilegal iha situasaun pandemia COVID-19 ne’e.
Deputadu Bankada FRETILIN, Joaquin dos Santos, preokupa serbisu seguransa nian iha fronteira rai-maran, tanba sidadaun balun kontinua tama-sai klandestina iha situasaun Estadu Emerjénsia.
“Konforme informasaun ne’ebé ita hetan polísia kaer ema balu liuhusi jalan tikus ba to iha distritu sira balu, signifika ita nia kapasidade atu kontrola iha fronteira liu-liu jalan tikus ne’e fragil. Tanba sá mak labele mobiliza polísia sira munisípiu sira, para reforsa iha area fronteira”, Joaquin kestiona iha parlamentu, sábadu (03/10).
Nia hatutan sé ita mobiliza polisia sira rotativamente reforsa iha fronteira, labele haksoit liu fronteira tanba perigu.
Iha fatin hanesan Xefe Bankada CNRT, Deputadu Duarte Nunes, sekunda mós katak, Estadu tenke aplika sansaun rigorozu hasoru grupu arte marsial sira ne’ebé mak tama-sai illegal.
“Situasaun Arte Marsiál ne’e, ha’u hanoin espesiál ona, Estadu tenke kontrola ho regra no sansaun para depois hapara tiha situasaun. Ida ne’e la iha nesesidade tanba sira ba ho interese no viola tan lei” afirma deputadu Duarte.
Alende ne’e Deputada CNRT, Maria Fernanda Lay, hatete, iha entidade boot balun kuandu ninia família tama mai lori tama liu kedan mai hamutuk ho família.
“Ha’u preokupante liu iha fronteira, ema seluk ne’ebé tama, depois família ba foti lori liu, tanba entidade boot ninia família. Ida ne’e ita preokupa, porké nia tama, la’ós de’it nia família mak moras, maibé ita hotu,” Deputada CNRT ne’e preokupa.
Nune’e mós Vise Prezidente Parlamentu Nasionál, Deputadu Luis Roberto, hatete, membru PNTL no F-FDTL sira ne’ebé kolokadu sufisiente ona, importante serbisu ho fuan no laran no profisionál.
“Ita hothotu nia kontribuisaun ha’u fiar katak sei prevene ida ne’e. seguransa tenke serbisu ho imparsiál no profesionalidade, ha’u fiar katak iha ne’ebá bele kontrola” dehan Luis Roberto.(Jornalista : Julio Salinas Soares)
1,693 total views, 3 views today
Oinsa Ita nia Reaksaun iha Notisia Nee?
You have reacted on “Deputadu FRETILIN Preokupa Frajilidade Kontrolu…”
Bele hare Video Seluk :
Subscribe to Timorpost1
/
2002
CALEMA "LA MAI TL SENTI LAKON HISTORIA IHA SIRA NIA MORIS"
IZLÁMIKU NO PROTESTANTE REKOÑESE TOLERÁNSIA IHA TIMOR NE’E ÚNIKU
PM XANANA: DEZENVOLVIMENTU TENKE HADI'A SIDADE DILI
1
/
2002
