Timor Post (04/10/2020)—Bankada CNRT iha Parlamentu Nasionál, konsidera Governu atuál iha tendénsia liu lori kadoras Greater Sunrise ba Australia no husu atu estadu labele sakrifika esforsu atuál prezidente partidu CNRT Kay Rala Xanana Gusmão
Vise Xefe Bankada CNRT, Deputadu Patrocínio Fernandes, hatete Bankada CNRT nota hosi audiénsia ho Ministériu Petróleu no Minerais iha loron 25 Setembru 2020, katak VIII Governu iha liu tendénsia atu lori kadoras Greater Sunrise ba Australia tanba la iha seriedade atu defende riku-soin povu Timor-Leste nian ka lori kadoras Greater Sunrise nian mai Timor-Leste.
Tuir Patrocínio, estrutura foun husi Timor Gap no ANPM hatudu de’it sentidu pesimista, katak dalan atu lori Kadoras Greater Sunrise mai Timor-Leste ne’e sei todan tanba tenke iha konsensu ho Australia.
“Afirmasaun ida ne’e, afirmasaun falsu no la iha baze. Timor-Leste iha Asoens 56,56%, mas tenke hakru’uk fali ba Austrália, envés deside iha Joint Venture? Prezidente Timor Gap no ANPM konsidera katak, Timor-Leste sei depende ba Australia no Kompañia Joint Venture sira nia desizaun atu bele lori Kadoras Greater Sunrise mai Timor-Leste ka lae. Ne’e hatudu loloos kedas katak la komprende prosesu ne’ebé hala’o tiha ona”, hatete deputadu Patrocínio iha Parlamentu Nasionál foin lalais ne’e.
Eis professor ensinu sekundáriu ne’e konsidera át liu mak ne’e Proposta Lei Orsamentu ne’ebé lori mai diskute daudaun ne’e, hakerek kona-ba dezenvolvimentu Kosta Súl, Ministru ho Prezidente Timor GAP no ANPM tenke husu ba Parlamentu atu muda tiha hakerek sira ne’e, tanba lae, sira rasik mak viola Lei Orsamentu Jerál Estadu.
“Povo rona nain sira, Governu soe hela rai rahun ba ita nia matan, tanba ita hotu hatene katak bele lori kadoras mai Timor-Leste. Tanba-ne’e, dalan seluk la iha ona, sé de’it mak ukun tenke asegura Povu nia ezijénsia ida-ne’e. Kadoras tenke mai iha Timor-Leste”, hato’o tan reprezentante povu ne’e liuhosi nia deklarasaun polítika.
Hare Kampu Banyu Undan ne’ebé kontribui ba Fundu Minarai mós besik atu hotu ona, Bankada CNRT konsidera Ministru Petróleu, Minerais, Prezidente Foun Timor Gap, no Prezidente Foun ANPM, tenke hatudu ba Povu tomak, katak sira na’in tolu iha razaun duni atu viola Lei Orsamentu Jerál Estadu 2020, ne’ebé orienta hela ba dezenvolvimentu kampu Greater Sunrise no Kosta Súl.
“Governu de Faktu inkonstitusionál ida ne’e, labele hato’o de’it nia sentidu pesimizmu no la iha tiha vontade atu defende direitu povu Timor-Leste nian, ne’ebé mak ezije atu lori Kadoras Greater Sunrise mai iha Timor-Leste. Labele soe rai-rahun ba Povu hodi lakon tempu, tanba iha 2024 mina rai iha Kampu Bayu Undan sei maran. Atu halo estudu foun, sei lori tempu hira? Estudu sira ne’ebé halo ona ne’e, tenke prova mai Povu katak nia ladi’ak iha ne’ebé. Presiza loke ba diskusaun públika, tanba Povo na’in ba riku-soin ne’e tenke hatene, Estadu labele sakrifika fali esforsu no vitória boot Maun Boot Kay Rala Xanana Gusmão, ne’ebé hamutuk ho timoroan sira halo Timor-Leste manán tiha Fronteira Marítima, hodi agora Governu de faktu Inkonstitusionál ida ne’e tau fali kadoras Kampu mina no Gás Greater Sunrise iha bandeja hodi entrega ba iha Austrália. Povo tenke matan moris no neon na’in, ida ne’e labele akontese”, Patrocínio afirma.”(Jornalista: Julio Salinas Soares)
854 total views, 9 views today
Oinsa Ita nia Reaksaun iha Notisia Nee?
You have reacted on “CNRT Preokupa ho Vontade Governu iha Luta Dada …”
Bele hare Video Seluk :
Subscribe to Timorpost1
/
2032
#BAINAKAESPESIAL - TENKI KUIDA OAN SIRA, LABELE INVOLVE IHA KRIME
SEI HO FOKUPERS REALIZA DISKUSAUN MEZA REDONDA PREPARA OJE
GOVERNU HO CUBA SELEBRA FESTIVAL CAYMAN TO CAYMAN BA DALA 4
1
/
2032
