DILI, (Timorpost.com)—Centru Nasional Chega! Instituto Públiku (CNC.IP-Portugés), Sesta (07/06/2024), organiza kolokiu ho Tematikú”, Importansia Politika Nasional Arkivu ba Prezervasaun Patrimonio Artistiku”.
Diretór Ezekutivu Centro Nacional Chega (CNC), Hugo Maria Fernandes, hatete sentru ne’e presiza lei arkivu nasionál tanba importante atu asegura dokumentu.
“Lei arkivu ne’e importante hodi asegura no suporta servisu CNC nian. Tanba ne’e, liu hosi kolókiu ida-ne’e , atu hasa’e koñesementu públiku kona-ba importánsia arkivu iha prosesu konstrusaun nasaun no konstrusaun estadu nasionál kona ba lei arkivu ba prezervasaun patrimóniu arkivistiku nian, no mós konsolida ideia no hametin rede servisu ba advokasia aprovasaun lei arkivu nian”. Dehan Diretor Ezekutivu CNC Hugo Maria Fernandes, ba Jornalista sira iha Balide.
Nia informa, kuaze Timor nia arkivu dokemntu kuaze espalla iha mundu, tanba ne’e presiza asegura.
“Arkivu ne’e dokumenta pasajen nasaun ida nian, inklui nasaun ida nia esperiensia moruk-sira, prestasaun no eventu istorika importante-sira, tanba ne’e presiza asegura. Maibé ita iha Timor la iha lei arkivu nasional, tanba ne’e defisil bainhira entidade seluk husi nasaun seluk haruka dokumentu arkivu mai Timor labele tanba ita la iha enkuadramentu legal atu arkiva”. Nia informa.
Nia dehan , tanba ne’e, kultura arkivistika ne’ebé di’ak tulun nasaun ida atu koñese sira-nia an, iha abut ba konstrui sira-nia identidade nasionál no diresaun ba futuru, iha sentidu ida-ne’e mak prezervasaun adekuada ba rejistu dokumentál importante iha prosesu konstrusaun nasaun nian.
432 total views, 6 views today
Bele hare Video Seluk :