MAE Husu FP Tenke Hatene Istória Luta Timor-Leste

Timor Post - Dili · Nasionál
Reportajen : Estaziadu Mariano Abi
Editor : Hermenegildo da Costa Tilman
  • Share
Vise-Ministru Administrasaun Estatál (MAE), Lino de Jesus Torrezão, iha (klaran) no akompañia husi Prezidente Komisaun Organizador ba komemorasaun aniversariu loron nasional komisaun publika, iha (Liman karuk) no Diretór Ezekutivu Centro Chega!, Hugo Maria Fernandes, iha (Liman Karuk). Imajen media CNC

Dili (Timor Post)–Komemorasaun loron Nasionál Funsaun Públika (FP) ba dala VIII, Ministériu Administrasaun Estatál (MAE), liu husi Vise-Ministru Administrasaun Estatál (V-MAE), Lino de Jesus Torrezão no delegasaun entidade públika, hala’o vizita ba Sítiu Istóriku sira iha Edifísiu Centro Nacionál Chega (CNC,I.P sigla Portugés)  Antigu Komarka Balidi nu’udar parte ida husi selebrasaun aniversáriu FP ninian.

Diretór Ezekutivu Centro Nacionál Chega, Hugo Maria Fernandes, iha ninia diskursu hatete, lori Centro Chega nia naran agradese no orgullu bele simu Vise-Ministru Administrasaun Estatál (MAE), no delegasaun entidade públika, liu-liu órgaun soberanu sira iha Timor Leste, ne’ebé mak tuir oráriu, no ohin sei hahú vizita fatin Istóriku iha Chega ne’e.

ADVERTISEMENT
SCROLL FILA BA NOTISIA

“Istória sai hanesan alvu ba nasaun ida, se bainhira la iha istória mak ita lahatene nasaun ne’e forma oinsá, no mai husi ne’ebe, tanba ida ne’e istória sai hanesan fatór determinante iha prosesu ba luta ukun rasik aan, tanba ida ne’e istória importante tebes” nia dehan liu husi ninia diskursu, Kuarta (22/06).

Lee Mós:
Governu Daualu Entre Moris no Mate, Laiha Dalan ba Alterasaun Lei Estruturante

Iha fatin hanesan, Vise-Ministru Administrasaun Estatál (MAE), Lino de Jesus Torrezão, hatete, ohin tempu ne’ebé diak tebe-tebes, hodi ita bele hasoru malu iha fatin ida ne’e, primeiru ko’alia kona-ba loron FP ninian, atu Loke ita nia neon, ita ninia konxiénsia, hodi oinsá para ita bele reflete, pasadu ne’ebé mak ita nia eroi sira hetan turturasaun iha tempu Indonesia ninian.

“Ba ha’u atu dehan de’it hanesan ne’e, ita haree ba kotuk, atu konsolida no fortaleza istória ne’ebé mak agora daudauk iha, sei la agora bainhira tan”.

Nia hatutan, ohin ita mai hamutuk iha ne’e, primeiru atu komemora loron nasionál Funsaun Públika ninian, no tuir fila fali katak, ita tenke hateke fila fali ba ita nia pasadu, hodi ita bele konsolida fila fali, ita nia istória sira ne’ebé mak agora daudauk iha, no barak liu mak seidauk iha koñesimentu klean kona-ba sítiu istória ne’ebé mak iha, ida ne’e atu fó hanoin ba ita hotu katak, ita mós tenke iha ida-idak nia interese ba iha istória ne’ebé mak ita nia fundadór nasaun nian rai hela mai ita.

Lee Mós:
Arsénio Bano: Ha’u Nia Mandatu Depende ba Primeiru Ministru

“Ba funsionáriu sira presiza atu hatene istória Timor Leste, tanba funsionáriu balu sai hanesan vítima ba ita nia prosesu Independénsia ne’e, no funsionáriu barak mak ema uluk tortura sira, kaer sunu sira, baku sira, ho Vizitasaun ida ne’e, lori ita hotu atu hateke ba kotuk, hodi bele hatene istória ne’ebé mak iha, ida ne’e mak esensiál ba ita nia Vizitasaun ne’e,” nia afirma.

Nune’e, nia haktuir tan Funsionáriu Públika ninia mensajen ne’ebé mak dehan sai ona katak, Funsionáriu sira mak  aparellu estadu ninian, no nia tenke iha koñesimentu kle’an kona-ba istória Timor- Leste ninian.

Lee Mós:
Governu Esforsu Hasa'e Pursentu Vasina iha Ermera, Diálogu ho LidKom

“Ha’u nia mensajen ba funsionáriu sira, hanesan Funsionáriu Públika, hatete ona katak, sira ne’e mak aparellu estadu ninian, no nia tenke iha koñesimentu kle’an kona-ba istória Timor-Leste ninian. Ho ida ne’e mós sai Funsionáriu ita tenke hatene mós ita nia konxiénsia katak, ita nia nasionalidade to’o iha ne’ebé ona, ida ne’e hatudu ita nia nasionalidade atu ita koñese di’ak liu tan ita nia istória ou lala’ok ne’ebé mak akontese iha Timor laran,” nia relata.

Enkuantu, Tuir ajenda ne’ebé mak Online Timor Post asesu katak, partisipa iha atividade ne’e Funsionáriu Públika no mai husi Liña Ministeriál sira hamutuk 50. Ho atividade vizita Sítiu Istóriku ne’e, sei hala’o ba parte relevante sira, no tuir ajenda ne’ebé CNC halo ona.

 5,158 total views,  18 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MAE Husu FP Tenke Hatene Istória Luta Timor-Leste” A few seconds ago
  • Share

Notisia Timorpost Seluk


Komentariu :
Timorpost.com sangat menghargai pendapat Anda. Bijaksana dan etislah dalam menyampaikan opini. Pendapat sepenuhnya tanggung jawab Anda sesuai UU ITE.

error: