DILI, (timorpost.com)—Vise Ministru Saúde, Flávio Brandão katak, stock ai-moruk menus 10% ne’e seidauk liu barreira no ema ne’ebé mate ne’e problema maromak mak bolu.
“Ha’u hanoin problema mate ne’e, problema Maromak mak termina, maibé papél ita nian oinsá mak moris saudavel, ema moras karik oinsá mak nia bele koopera fila-fali husi nia moras. Agora daudaun stock ne’ebé iha sentru saúde no postu saúde sira, menus 10%, ne’e katak seidauk liu barreira ne’ebé ita iha, “dehan Vise MS Flávio Brandão ba jornalista sira hafoin partisipa komemorasaun ezisténsia REBAS ba dala-2 iha Otél Timor Sesta (24/05).
Nia esplika, ai-moruk ne’e, elementu ida husi komponente boot ida, iha saúde nian, ne’ebé ai-moruk dehan la iha, ne-e la’ós dehan la iha, ai-moruk ne’e nivel ida aseitasaun ne’e, maibé menus ne’e, hirak mak aseita dehan, ida ne’e menus ona, no ida ne’e la iha, mais atu dehan la iha ne’e depende ba kazu ida-idak no moras ida-idak iha distribui ai-moruk ne’e.
Nia haktuir, iha nasaun ne’ebé de’it, nia sura ne’e hanesan ne’e, katak aseitasaun ne’e iha, maibé rai ida ne’ebé iha nia rai, no iha nia nasaun no iha indústria ai-moruk mós enfrenta hela situasaun hanesan ne’e, maibé la’ós dehan la iha, mais nivel de aseitasaun, kuandu menus liu ona 10%, no 20 iha Nasionál ida ne’e, mak bele dehan perigu ka la di’ak.
“Mais agora ita nia menus 10%, ida ne’e tama hela iha nivel aseitasaun, pasiente sira ba hola ai-moruk iha klínika ne’e, ita la ignora, maibé la’ós pasiente hotu mak ba hola ai-moruk iha klínika privadu, “dehan nia.
Enkuantu nia esplika katak, Iha Ospitál Nasionál Guido Valadares, loron ida, banku de emerjénsia, liu 200 ba 300 pesoa, mak nain-1, tanba de’it nia ai-moruk espesífiku ida la iha, ita la bele jeneraliza tomak.
“Ha’u hatete katak, iha governu, iha lista ai-moruk, ema bolu dehan esensiál, krítiku, espesialista no niilista, normalmente ida ne’ebé la iha ne’e, barak liu kabe ba lista espesialidade, ne’e katak la’ós moras maioria, maibé, moras ida ne’ebé espesífiku no nia ai-moruk espesífiku, ida ne’e normalmente hasoru situasaun sira dehan ida ne’e la iha, maibé lista ida governu garante katak, lista esensiál, tenke iha hela de’it, ne’e iha nia fatin,”akresenta Flávio.
Tuir nia, sei sensivel ho situasaun hotu-hotu, maibé governu kontinua esforsu ida ne’ebé nia tenke halo duni, iha nia parte, kuandu buat ne’ebé kabe ba responsabilidade governu nian, mak nia la halo, ida nee mak la sensivel.
1,632 total views, 15 views today
Bele hare Video Seluk :
Subscribe to Timorpost
