DILI, (Timorpost.com)—Rede ba Saúde Timor-Leste (REBAS-TL) ohin komemora loron ezisténsia ba dala-II.
Enkaregadu Negósiu Embaixada EUA iha Timor-Leste, Marc Weinstock, hatete sente kontente (REBAS-TL) foin eziste tinan rua, maibé halo progresu di’ak tebes liu-liu iha setór saúde.
“REBAS-TL hari’i hodi eleva organizasaun hanesan ne’ebé mak ita barak kompartilla prevene fortalesimentu sistema saúde, no iha deit tinan rua nia, laran, rede REBAS-TL halo ona progresu di’ak tebes no lori ona mudansa tanjivel-hasa ‘e envolvimentu síviku no hadi’ak responsabilidade sosiál.“dehan Embaixadór Marc iha nia diskursu iha ámbitu komemorasaun ezisténsia REBAS ba dala-2 iha Otel Timor, Sesta (24/05).
Enkaregadu ne’e dehan, Governu Estadus Unidus Amérika sente orgullu sai parte ida husi ita-boot sira-nia susesu.
“Hahú kedas husi inisiu, USAID fornese ona asisténsia téknika no finanseira, no ita mantein parseria ne’e metin to’o ohin loron. REBAS-TL lansa tiha ona iha tinan 2022 hanesan Timor-Leste nia rede advokasia saúde sosiedade sivil sira-nia kapasidade ho vizaun iha ne’e: atu hatan ba obstákulu hirak-ne’ebe kontribui ona ba dezenvolvimentu dahuluk-liu ba deskrisaun servisu ba profisionál saúde sira no manuál rekrutamentu husi Ministériu Saúde. Terseiru, nu’udar parseiru importante ida tanba ita-boot sira kompartilla ona ita-boot sira-nia prioridade sira relasiona ho Timor-Leste nia Planu Estratéjiku ba Setór Saúde 2020-2030, rekursus umanus nasionál ba estratéjia saúde, no pakote servisu saúde esensiál sira”. Nia informa.
Alende ne’e Organizasaun sosiedade sivíl rua iha rede Saúde REBAS-TL- HIAM no Sharis Haburas Komunidade – halo ona advokasia hodi inklui sira iha reuniaun konsultativu saúde munisipál nian kona-ba manuál parseria nasionál.
“Ha’u hein katak ida-ne’e sei fó motivasaun buat hirak hotu sai hanesan oportunidade ida hodi selebra buat hirak ne’ebé ita halo tiha ona serbisu hamutuk hodi hadi’a kualidade prestasaun ba povu Timor-Leste. Ita hotu iha papél esensiál ida atu harii Timor-Leste ida-ne’ebé saudável, inkluzivu no prósperu liután. Povu Amerikanu sente orgullu apoia ita-boot sira-nia esforsu enkuantu ita kontinua investe iha ita-nia futuru komún, “dehan nia.
Iha fatin hanesan Vise Ministru Saúde, Flávio Brandão, hateten, objetivu husi atividade ohin ne’e, komemora aniversáriu REBAS ba dala-2. Tanba nee, nee governu apresia tebes no parabéns ba FONGTIL no parabéns ba REBAS-TL ne’ebé selebra aniversáriu ba dala-2.
Nia dehan, NGO forum iha papél boot ida, ne’ebé atu hola parte mós iha halo transformasaun parseiru governu nian, atu bele delibera papél servisu saúde ne’ebé di’ak liu tan iha depois de 20 Anos.
“Ita iha ona rede de saúde, rede la’ós halo de’it advokasia, maibé hola mós papél ba importante ida atu halo transformasaun iha sosiedade, nune’e mós atu hamutuk ho governu, para hasoru problema saúde ida ne’ebé mak iha, ida nee atu hatete katak, iha 20 anos, ita la hare ona katak saúde nee servisu Ministériu saúde nia de’it, ida nee servisu koletiva ne’ebé presiza entidade hotu-hotu atu komprende didi’ak saúde, “dehan nia.
Tuir nia katak, Saúde ne’e, iha komponente haat ne’ebé importante, ida saúde fízika, saúde fízika no saúde mental, saúde espirituál, no oinsá mak moris di’ak no moris saudavel, papél Rebas ne’ebé rede ba saúde nian nee, atu halo servisu makas liu iha advokasia ba governu no mós ba komunidade nia leet, oinsá mak moris saudavel iha hanoin no hahalok, no oinsa saudavel aposta ba fisika nian, ne’ebe kordena ho Ministériu saude para atu berforma diak liu tan.
“Ida ne’e, buat ida di’ak tebes ba Ministériu saúde no di’ak ba Timor-Leste, tanba ita iha rede ba saúde, ne’ebé inisia iha NGO forum FONGTIL no mahon iha Rebas nian, no mós iha esperiénsia nasaun barak, parseria sosiedade sivíl ne’e, parseria estratéjiku ne’ebé halo servisu métodu husi servisu governu nian. Agora ba oin ita tenke hare ona oinsá mak espasu sira ne’ebé tuir kapasidade ONG nian, para atu bele halo. Ita tenke nakloke ba ida ne’e, “dehan nia
1,908 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![REBAS-TL Sei Tau Importánsia ba Papél Esensiál Harii TL Ne’ebé Saudável, Inkluzivu no Prósperu](https://timorpost.com/wp-content/uploads/2024/05/rebas.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)