DILI, (timorpost.com)—Komandu Jerál Polísia Nasionál Timor-Leste (PNTL) no Falintil Forsa Defeza Timor-Leste (F-FDTL) liuhosi Komandu Pesoál Formasaun, orienta ofisiál superiór to’o ajente polísia atu la lori kilat ka dezarmadu iha loron juramentu ohin (Kinta, 07/12) lokraik.
“Orsida tuku 13:30, ita hotu-hotu iha ne’e ona, laiha membru ida mak lori armas mai iha ne’e, tantu armas bo’ot ka ou pistola. Maluk ofisiál superiór to’o iha ajente PNTL sira hotu, laiha ida autoriza atu lori armas mai iha serimónia juramentu lokraik ne’e”, Informa reprezentante Komandu Jerál PNTL, atuál Komandante Pesoál Formasaun, Superintendente Xefe Polísia, Arquimino Ramos, aviza ba membru PNTL sira hafoin partisipa pra-parada militár serimónia juramentu iha Palásiu Governu, kinta,07/12.
Nia hatutan, ho orientasaun Komandu Jerál PNTL nian, membru hotu-hotu kumpi atu nune’e bale kotribui ba prosesu juramentu membru sira ne’ebé invole iha arte marsiál no arte rituál ba bandeira RDTL la’o di’ak.
Iha fatin hanesan Komandu F-FDTL, liuhosi Komandante Koronel Esteves, aviza ba membru F-FDTL tomak tenke rona no la’o tuir orientasaun atu labele lori kilat, bainhira partisipa iha parada juramentu ba bandeira RDTL.
“Ba mós soldadu forsa armada hotu-hotu, la bele lori armas mai iha seriomónia juramentu”, Koronel Esteves aviza. (*)
1,046 total views, 3 views today
Bele hare Video Seluk :
Subscribe to Timorpost
