DILI, (Timorpost.com)—Provedoria dos Direitos Humanos no Justiça (PDHJ-Portugés) ohin selebra nia ezisténsia ba dal-XX no rejistu kazu abuzu podér barak liu.
Tema ba selebrasaun anivenrsariu ezisténsia PDHJ tinan ne’e, “PDHJ ba Futuru”.
Provedoria dos Direitos Humanos no Justiça (PDHJ) bazeia ba artigu 27, 150 no 151 Konstituisaun RDTL no mos dever legal PDHJ nian ne’ebé hatuur ona iha Estatutu rua PDHJ nian, primeiru, Lei Nú 7/2004 Estatutu kona bá Provedór Direitus Umanus no Justisa no segundu, Dekretu Lei nú: 31 Estatutu kona bá Provedoria dos Direitu Umanus no Justisa. PDHJ iha mandatu rua hodi hala’o, ida maka promove no protégé direitu umanus no seluk maka promove governasaun di’ak.
Tuir Provedór Direitu Humanus no Justica, Virgílio da Silva Guterres ‘Lamukan,’ hatete, Juridikamente PDHJ eziste ona durante tinan XX, maibé atividade normalmente hala’o durante tinan XIX nia laran.
“PDHJ nia mandatu maka promove no protégé direitus umanus no promove governasaun di’ak nune’e atividade ne’ebé PDHJ hala’o regulamenta mak simu keixa husi komunidade ka públiku no keixa ho inisiativa Provedór, halo investigasaun, promosaun, edukasaun, monitorizasaun, advokasia, mediasaun no konsiliasaun, hato’o rekomendasaun ba governu no instituisaun publika. PDHJ mós hala’o atividade adisional tuir nesesidade no kompeténsia no mós servisu ka atividade iha ámbitu nasionál no internasionál iha área rua refere”. Informa Provedor Virgílio da Silva Guterres ‘Lamukan,’ ba jornalista sira iha ámbitu selebrasaun ezisténsia PDHJ ba dal-XX iha…
Provedor ne’e dehan, tinan ne’e Provedoria hetan keixa atus ida resin katak tinan ruanulu ne’e keixa bele toh rihun sanulu resin no keixa barak liu mak Violasaun Direitus Humanus, Violasaun Abuzu de Podér, Violasaun Doméstika, no mós iha Violasaun Boa Governasaun nian barak liu mak Abuza de Podér.
Iha mós keixa boa governasaun relasiona ho kazu durante ovídiu ne’e distribuisaun sesta bázika ne’ebé la tuir sasán sira prazu no la saudavel no mós keixa kona ba bolsu estudu méritu, no violénsia doméstika barak liu relasiona ho Funsionáriu públiku no mós kazu rai nian.
Hanesan Instituisaun Estadu nian, PDHJ nia estrutura organika maka hanesan, iha parte politika PDHJ iha Provedor 1, adjuntus provedor 2, ida ba área governasaun di’ak no ida seluk ba área direitus umanus. Enkuantu iha parte téknika, bazeia ba Dekretu Lei nú: 31/2016, PDHJ iha Estrutura ida mais alargada komposta husi 17 Kargus de Diresaun i Xefia nebeé sai hanesan lideransa téknika iha PDHJ. Hau hakarak informa ba ita boot sira katak PDHJ foin primeira vés aplika Selesaun Pur Méritu, tanba neé, karik ita haré ba jéneru, la dún hatudu balansu jéneru. Husi 17 funsionárius ba Kargus de Diresaun i Xefia, maioria asume husi mane hanesan rezultadu husi Selesaun Pur Méritu. Total funsionariu permanente ne’ebé maka oras ne’e servisu iha PDHJ iha Sede sentral to’o Delegasaun Territorial sira hamutuk ema nain 95, mane ema nain 53 no feto ema nain 42.
852 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Selebra Aniversáriu ba dal-XX, PDHJ Rejistu Kazu Abuzu Podér Barak Liu](https://timorpost.com/wp-content/uploads/2024/05/ba-futuru.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)