MANUFAHI, (Timorpost.com)—Diretora Pre-Eskolár Kaikasa-Fatuberliu Munisipiu Manufahi, Francisca Pereira Martins sente preokupa ho foos ne’ebé fornese husi Movimentu Kamponeza Timor-Leste (MOKATIL) kuaze fuhuk no aat.
“Foos saku mean ne’ebé eskola simu no distribui hosi MOKATIL ba programa merenda eskolár kuaze fuhuk no at”. Dehan profesora Francisca ba Timor Post iha Same Vila, Sesta (23/05).
Profesora ne’e haktuir, foos ne’ebé ita simu kuaze at no fuhuk balu komesa dodok.
“Foos refere hatama husi fornesedor MOKATIL, ba situasaun ne’e ami hanesan profesór sente foos aat ne’e fó impaktu ba labarik sira nia kondisaun saúde. Situasaun ne’e ami sente la di’ak ba oan sira nia kondisaun saúde “nia subliña.
Sikun seluk responde ba situasaun ne’e, pontu vokál MOKATIL munisípiu Manufahi Cleto Oliveira da Silva hatete, kona-ba informasaun ne’e nia parte seidauk hetan informasaun husi ekipa iha terenu.
“Sim, ha’u seidauk simu informasaun husi terenu kona-ba foos aat ne’e duni ha’u sei too ba haree took foos ne’ebé mak a’at ne’e “nia informa.
Tuir observasaun Timor post nota katak, durante ne’e apoiu ai-han ba merenda eskola ne’e husi Word Food Programm (WFP) ho saku mutin no apoiu husi MOKTAL fo’os ho saku mean.
Foos saku mean ne’ebé hetan fornese husi MOKATIL ba merenda eskolar, foos refere iha eskola EBF Clacuc no pre-eskolar Kaikasa hetan fo’os kuaze aat.
5,916 total views, 12 views today
Bele hare Video Seluk :