DILI (timorpost.com)—Ministériu Solidariedade Sosiál no Inkluzaun (MSSI), ofisialmente lansa Sistema Informasaun no Jestaun Kazu Dijitál ba Protesaun labarik no Joven iha Perigu inklui lansamentu ba relatóriu avaliasaun hala’o husi Pais kona-ba forsa servisu.
Ministra MSSI, Veronica das Dores, hatete, lei ba sistema protesaun labarik harii ona iha tinan ruanulu nia laran, hanesan Rede Protesaun Labarik, Papél sira hotu ofisial protesaun labarik nian mekanizmu pozitivu bazeia iha komunidade.
“Lei No 6/2023, 1 de Marsu ne’e, aprova husi Parlamentu Nasionál iha fulan Fevereiru 2023 no Promulga husi Presidente Repúblika iha fulan Marsu 2023. Lei ida ne’e formaliza elementu prinsipál sira ba sistema protesaun labarik no Joven iha Timor-Leste”. Haktuir ministra iha diskursu hafoin lansa Sistema Jestaun informasaun ba kazu Digital protesaun labarik no Joven iha Perigu iha salaun MSSI Kacoli, Kinta (14/03).
Ministra ne’e haktuir, ida ne’e pasu ida importante tebes ba nasaun.
“Lei foun Protesaun Labarik no Joven iha Perigu nu’udar konkista inovadora ida, ba ita Timor- Leste, tanba nu’udar nasaun foin dezenvolve, Timor-Leste iha lei ne’ebé demonstra seriedade Governu Timor hodi proteje labarik no joven sira ne’ebé iha perigu, “dehan Ministra.
Governante ne’e haktuir, governu nafatin iha planu atu halo revizaun ba mekanizmu balun ne’ebé eziste ona no hodi dezenvolve prosedimentu, mekanizmu no polítika foun ne’ebé esensiál hodi hametin programa no sistema protesaun labarak ho komprensivu.
Ho ida ne’e, programa prioridade ida ba IX Governu Konstitusionál iha MSSI, mak atu haforsa Sistema bein estar sosiál, ho sistema protesaun labarik ne’ebé bele empodera labarik no família vulneravel sira, ne’ebé afeta husi asuntu sosiál oi-oin, inklui labarik vítima ba violénsia abuzu, neglijensia liu husi dalan ne’ebé permite atu halo mudansa pozitivu ba sira nia moris no permite labarik sira atu atinje sira nia potensialidade tomak.
3,792 total views, 6 views today
Bele hare Video Seluk :
Subscribe to Timorpost
