DILI, (timorpost.com)—Mari Alkatiri ne’ebé hanesan na’in ba rezidénsia ne’ebé hetan sobu husi Prezidente RAEOA Rogério Tiago Lobato iha Oekusi-Ambenu ohin hato’o keixa iha Ministériu Públiku.
Mari Alkatiri dehan, nia prezensa iha Ministériu Públiku, hodi hato’o keixa krime kontra Prezidente Autoridade RAEOA, Rogério Tiago Lobato, tanba sira ba sobu nia uma iha RAEOA seem konsiderasaun husi na’in ba uma.
“Ha’u hato’o keixa, tanba ha’u nia uma iha Oekusi, Prezidente Autoridade RAEOA no nia ekipa sobu tiha odamatan hotu, husi portaun to’o kuartu sira, ida ne’e violasaun, ne’e uma privada ha’u simu hanesan pose para sai propriedade tinan naruk ona, “dehan Mari ba jornalista sira iha Edifísiu Prokuradór Jerál Repúblika, Kinta (23/05).
Nia dehan, ne’e keixa krime, keixa sivíl nian sei tuir mai, iha kondenasaun kriminál iha mós kondenasaun sivíl.
“Keixa ne’e ha’u kontra Rogério Lobato ho nia sekretáriu no asesór balun, sira nia naran ha’u tau hotu ne’ebá. Rai ne’e estadu nian, maibé uma ne’e privadu, mais uma ne’e halo tuir lei, ha’u sosa bazeia ba lei, la’ós bazeia ba vontade ema ida nian, antes sira ba sobu ne’e la iha koordenasaun, se sira iha koordenasaun karik, sira ho ha’u nian no governante iha ne’ebá mak entrega sira ba kompañia sira, para halo vizita se ha’u autoriza, ha’u la autoriza ema ida la bele tama, so Tribunál deside karik ne’e oin seluk, “dehan nia.
Nia konta, Prezidente Autoridade RAEOA ho nia ekipa ba sobu nia uma ne’e, la iha koordenasaun, se sira iha koordenasaun la presiza atu tama kuartu hotu no hare sasán saida mak iha no saida mak la iha.
“Ha’u halo keixa krime no ha’u ema ida ke fó konfia tomak ba sistema judisiáriu iha Timor, tanba ha’u ajuda harii sistema ne’e, husi Primeiru lejizlatura kedas, ha’u hakarak sistema atu nafatin independente no nafatin sai matan ho tilun povu tomak nian, para la bele iha injustisa.
Rezidénsia Fulolo ne’e investimentu públiku privádu. RAOEA iha mekanizmu harii rezidénsia atu ema bele aluga, bele sosa. Osan, gasta tenke tama fali. Ha’u rasik hela iha Fulolo, ha’u tenke selu kada fulan. Laiha gratuita iha Fulolo. Sé ha’u hakarak sosa, ha’u bele sosa. Montante ne’e tenke tékniku sira mak hatene.
Entretantu Sekretáriu Jerál Partidu Fretilín, Mari Bim Amude Alkatiri sosa rai estadu iha Fuilolo ne’e ho montante dollar rihun atus lima, hodi fó propriedade estadu.
1,221 total views, 6 views today
Bele hare Video Seluk :
Subscribe to Timorpost
