Dili (timorpost.com)—Nain ba Cafetaria Katuas Patrício iha Aeroportu Internasionál Presidente Nicolau Lobato, Afonso da Costa Patricio, husu ba Aeroportu no Navegasaun Aérea Timor-Leste, Empreza Públika (ANATL, E.P) atu hamenus taxa ne’ebé aplika ba sira ninia negósiu, tanba taxa atuál ladún fó lukru ba sira ninia atividade negósiu.
“Ami husi Cafe Katuas Patricio hakarak husu ba ANATL atu hamenus uitoan taxa, tanba lukru menus. Ami fulan ida di’ak ida ami la hetan maka’as hodi selu ba ANATL,” Dehan Afonso da Costa Patricio ba jornalista iha Aeroportu Internasionál Presidente Nicolau Lobato, Comoro-Dili, Segunda (29/05).
Nia haktuir, fulan ida sira bele hetan rendimentu entre 90.00 USD too 100.000 USD de’it, enkuantu sira tenke selu taxa dollar amerikanu hamutuk 8.64 USD kada fulan ba estadu no mós selu staff na’in tolu.
nia dehan, kona Income depende ba pasajeiru liuliu malae sira ne’ebé mak halo vizita.
“Ha’u husu haraik an ba ANATL atu toma responsabilidade mós ba kios tolu ne’ebé lokaliza iha area Aeroportu nian, tanba kios tolu ne’e lokaliza iha arredores aeroportu nian, maibé tanba saida ANATL la aplika taxa ba sira,” nia dehan
Tuir Afonso, preokupasaun boot ne’ebé sira enfrenta mak primeiru selu taxa, segundu husu atu aplika mós taxa ba kios tolu ne’ebé fan sasán iha arredores aeroportu nian. Tanba kios tolu ne’e seidauk sente hanesan sira ida selu taxa ne’e, nune’e sira fan sasán ho presu baratu liu. ANATL presiza haruka sira selu taxa ou taka kios sira ne’e, tanba sira bele hamonu fali negósiu sira ne’ebé selu taxa ba estadu.
891 total views, 3 views today
