DILI, (timorpost.com)—Relasiona ho kritika bankada opozisaun FRETILIN iha Parlamentu Nasionál liga ba diskursu PR iha 20 Maiu 2024, ne’ebe la reflete ba realidade Timor nian, Xefe Estadu hamnasa.
“Ne’e ha’u nia diskursu, ita hein loron seluk no tinan seluk, Fretilín iha podér ukun mak halo diskursu di’ak reflete ba realidade Timor nian tuir versaun sira nian. Agora ne’e ha’u nia podér no ha’u nia diskursu”. hatán PR Horta ba jornalista sira hafoin remata serimónia tomada de pose iha Palásiu Prezidensiál Bairu-Pite Kuarta, (22/05).
Xefe estadu haktuir, Partidu polítika hotu sei iha tempu, karik iha podér ba kaer ukun sei halo diskursu ida di’ak
“Ita hein tinan tuir mai”. Dehan PR Horta.
Rekorde fali, antes ne’e Bankada Opozisaun FRETILIN, kritika Prezidente Repúblika, José Ramos Horta, ne’ebé laiha mensajen espesífiku kona-ba situasaun ne’ebé daudaun ne’e povu no nasaun hasoru.
“Diskursu Prezidente Horta iha komemorasaun 20 de Maiu mamuk loos, hanesan diskursu atu simu de’it bainaka de’it mais laiha mensajen ne’ebé ita hanoin katak, buat hotu lao di’ak hela estadu ne’e buat hotu di’ak no ita la preokupa ho buat ida 22 anos restaurasaun ita-nia situasaun hanesan igreja katólika kolia fanu ita mais ita la halo kazu,” dehan Xefe Bankada FRETILIN, Aniceto Guterres Lopes.
Nia hatutan, tuir loloos Prezidente Repúblika, José Ramos Horta, ninia diskursu iha selebrasaun tinan-ruanulu-resin-rua ne’e tenke ho mensajen ne’ebé reflete duni ba progresu dezenvolvimentu ne’ebé daudaun ne’e la’o hela iha rai laran.
1,914 total views, 9 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Hatán ba Kritika FRETILIN Liga ba Diskursu Mamuk, PR Horta Hamnasa](https://timorpost.com/wp-content/uploads/2023/06/Horta.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)