DILI, (Timorpost.com)— Prezidente World Wheelchair Rugby (WWR) Azia Qais Al-Dhalai ho nian ekipa hasoru malu ho Prezidente Repúblika (PR), José Ramos Horta iha Palacio Prezidensiál Barro-Pite, hodi hato’o kona-ba oinsá atu estabelese federasaun Rugby iha Timor-Leste.
Prezidente World Wheelchair Rugby (WWR) Azia Qais Al-Dhalai hato’o asuntu ne’e ba jornalista sira hafoin remata enkontru ho Prezidente Repúblika iha Palásiu Prezidensiál Bairu-Pite, Kuarta (22/05).
“Ohin ha’u ho ekipa mai hasoru Prezidente Repúblika, Jose Ramos Horta atu ko’alia kona bá oinsá atu bele loke federasaun Rugby iha Timor-Leste no Prezidente Repúblika rasik mós suporta los kona ba inisiativa husi Asia Rugby,” dehan nian.
Tanba ne’e, aban (Red Kinta) sira sei ba hasoru Ministériu Juventude Desportu Arte no Kultura, hodi ko’alia liu tan kona-ba atividade federasaun Rugby nian, ne’ebé sei loke iha Timor-Leste.
“Ohin mós ami ko’alia kona ba memorandu karik ba futuru atu loke federasaun Rugby ne’e, presiza rekoñesimentu husi Prezidente Repúblika rasik no sei hasoru ho Ministériu Juventude Desportu Arte no Kultura, hodi ko’alia liu tan kona ba atividade saida mak sei halo iha Timor,” nia afirma.
Depois rona tiha, PR Horta suporta no kontente los, tanba Asia Rugby bele foti inisiativa mai too iha Timor, hodi harii federasaun iha Timor-Leste, atu joven Timor-Leste sira atu aprende.
Jogu Rugby nia orijinalidade husi nasaun Inglaterra harii husi William Webb Ellis iha tinan 1871, iha ne’ebé nia jogu hanesan ho futeból Amerika nian, maibé nia regra halimar hada’u malu bola husi liman ba liman so’e ba iha markasaun iha kampu laran, nune’e bele hetan pontu.
Rugby sai konesidu ba mundu hotu hatene iha tinan 1895 bainhira hamosu liga. Regulamentu jogu Rugby nian jogadór hamutuk 15 mak joga iha kampu laran númeru kamijola hahú 1-8.
966 total views, 3 views today
Bele hare Video Seluk :