DILI, (Timorpost.com)—Ministériu Saúde (MS) liu husi Ekipa Integradu Saúde (EIS), ohin Kuarta (22/05/2024) realiza konferénsia Imprensa liga ba servisu atendimentu iha Hospital Nasionál Guido Valadares (HNGV) ne’ebé ohin loron sai preokupasaun públiku.
Portavoz, Vidal Lopes informa, horikalan akontese dunik eletrisidade mate lakan iha HNGV kuaze 15 minutu, maibé depois ida ne’e lakan fali no atendimentu lao hanesan bai-bain.
“Kauza eletrisidade mate ne’e la’ós novidade foun ba HNGV. Kauza eletrisidade mate ne’e kala akontese 100 liu ona mais nia durasaun minutu de’it, depois ida ne’e atendementu la’o normál”. Haktuir Portavoz iha nota Komunikadu Imprensa.
Nia dehan, kauza husi eletrisidade mate iha HNGV, Ekipa Integradu Saúde (EIS) hetan kritika husi ema barak.
“Problema eletrisidade ne’e la’ós kulpa HNGV nian , maibé ne’e servisu parte EDTL EP nian. Maibé, hanesan jestór iha mós alternativa seluk uza maka prepara jeradór. No jeradór ne’ebé iha la bele kobre HNGV tomak, so bele fornese de’it ba sala tolu ne’ebé mak importante hanesan Sala ICU, Sala Operasaun ho Sala Fase Raan”. Nia informa.
Daudauk ne’e Ministériu Saúde iha ona planu atu sosa jeradór foun tanba ekipa identifika ona lakun barak.
“Ami planu iha 2025 hodi kobre area HNGV atu nune’e bele funsiona di’ak. Agora daudauk jeradór ne’ebé iha fornese de’it ba sala privadu, tanba kapasidade husi jeradór ne’ebé mak funsiona hela la bele kobre hotu area HNGV, ho nune’e ami planu ona iha 2025 sosa mákina foun ho kapasidade boot”. Hakotu.
1,449 total views, 6 views today
Bele hare Video Seluk :