DILI—Rai-Mor nu’udar médiku tradisionál, ne’ebé kontinua dezenvolve servisu terapia “Servi ho Domin” atu salva ema ho defisiénsia inklui ferik no katuas, ne’ebé hetan moras oi-oin, iha territóriu nasionál.
Médiku tradisionál ne’e la’ós halo terapia ba ema ho defisiénsia de’it, inklui mós ferik-katuas joven no labarik sira, ne’ebé maka hetan moras kleur tiha ona.
“Rai-Mor hala’o vizita ba Oekusi, hodi hala’o terapia ba ema ho defisiénsia no moras sira seluk tan,” Timor Post asesu iha pájina Facebook Rai-Mor nian, Kinta (09/05/2024).
Realiza servisu sosiedade sivíl no asuntu sosiál, ne’ebé tutela iha Prezidénsia Repúblika, sempre salva sidadaun Timoroan hotu, ne’ebé maka sofre moras kleur ona.
Daudaun ne’e, Rai-Mor kontinua hala’o terapia ba ema ho defisiénsia iha Aldeia Oemolo, Suku Lifau, Sub-Rejiaun Pante-Makasar, Rejiaun Administrativu Espesiál Oekusi Ambenu (RAEOA).
Tuir informasaun ne’ebé maka Timor Post asesu, Rai-Mor sei kontinua hala’o terapia “Servi ho Domin” ba komunidade ne’ebé moras kleur iha Suku Ban-Afi, Sub-Rejiaun Nítibe.
1,287 total views, 30 views today
Bele hare Video Seluk :