Dili (timorpost.com) – Xefe Suku Kampung Alor, Alcina dos Santos, hatete Dili Rai Sidade no sai Kapitál ba Nasaun Timor-Leste, maibé bee araska tebes tanba Komunidade balun iha bee no balun laiha bee.
“Ita ko’alia Kona-ba bee iha Munisípiu sira balu iha no balu laiha liuliu iha Dili sai Kapitál ba nasaun Timor-Leste, maibé talves bee ne’e araska tebes,” nia dehan iha salaun HAK Faról, Sesta (16/09).
Nia dehan, Komunidade sira hela iha Kapitál Dili ba lalin bee hanesan iha foho, tanba ne’e ba Futuru risku boot ba ema hot-hotu.
“Bee kuandu laiha ita sei la moris no ita iha osan barak, maibé bee laiha ita labele sai Ema”, nia hateten.
Tanba ne’e nia sujere ba Na’i Ulun sira atu esforsu makas liután para komunidade liuliu iha Kapitál Dili, bele asesu bee moos.
Alende ne’e nia mós kestiona komunidade tanba balun laiha konxiénsia atu kuidadu kanu iha sidade Dili ne’e, talves kanu sira bee naksulin Arbiru hela de’it.
“Ita husu nafatin ba Governu no estadu, maibé Governu mak ita, Estadu mak ita no ita mak liman ain hodi hadi’a sasán hirak ne’e”, nia hakotu.
Portantu Kapitál Timor-Leste, Munisípiu Dili, kompostu hosi Postu Administrativu Dom Aleixo, Vera-krús, Na’in-feto, no Metinaru, Ho total populasaun tuir Dadus statístika Sensus 2015, hamutuk 222.323.
2,788 total views, 9 views today
Bele hare Video Seluk :