Dili, (TimorPost.Com)—Sekretariu Estadu Autoridade Protesaun Sivíl (APC) Servisu hamutuk ho parseiru Tékniku FAO no Red Closs Centre (RCCC) organiza workshop kona ba validasaun final Roteiru Asaun Antisipatoriu prevensaun dezastre natural.
Sekretáriu Estadu Autoridade Protesaun Sivíl, Domingos Mariano Reis, afirma Workshop ida nia objetivu atu halo validasaun final roteiru asaun antisipatoriu (AA) dezastre ba Timor-Leste.
“Roteiru Asaun Antisipatoriu sei tau prioridade liu ba medida prevensaun kauza husi dezastre natural tanba ita fraku iha antisipada nian, ho ida ne’e mak parseiru sira remata ona valida”. Dehan Domingos Mariano Reis, ba jornalista sira iha Muzeum da Rezisténsia Timorénsia Liceu Sesta, (19/04).
Nia haktuir, ita hotu hatene Timor-Leste tinan-tinan sempre lakon por volta 5.9 milhoěs de dolares kauza husi dezastre, iha loron 4 fulan Abríl tinan 2021, ne’e sei referénsia ba Timor Leste tanba ita fraku iha antisipada nian, ho ida ne’e mak parseiru sira remata ona valida.
“Ita hein katak iha tempu besik sei mosu konsellu nasionál seguransa Protesaun sivíl bazeia ba lei seguransa nasionál. Ida ne’e ita garante katak iha rekursu ne’ebé mak sufisiente para bele responde ka no rekuperasaun vítima sira kauza husi dezastre maibé ita sei foka liu ba antisipatoriu”. Nia konta.
Nia dehan iha Parseiru lubuk ida mak apoiu Autoridade Protesaun Sivíl, liu-liu ba sistema alerta sedu ba Timor leste, ne’ebé mak agora daudaun remata ona no desligasaun ita hatene Nuno governu konstitusionál sei tau prioridade liu ba medida prevensaun.
1,854 total views, 24 views today
Bele hare Video Seluk :
Subscribe to Timorpost
