DILI, (timorpost.com)— Tribunal Justisa Distritál Suai rejista kazu abuzu seksuál as iha prizaun Suai.
Diretór Prizaun Suai, Alberto de Araújo hatete, husi Janeiru too Abríl ne’e, prizaun Suai rejista dadur hamutuk 121, prizaun Preventiva 24 no kondenadu 97 no kazu as liu mak abuzu seksuál as.
“Husi Janeiru ate Abríl, ita rejista dadur atuál iha prizaun Suai ne’e, prezu iha 121, husi númeru ne’e kompostu husi prizaun preventiva 24 no kondenadu 97, Prezu prizaun preventiva ne’e, komete krime abuzu seksuál maka barak liu,” Diretór ne’e hatete kestaun ida ne’e ba Timor Post liuhusi telefone, Domingo (14/04).
Diretór ne’e haktuir, Fulan Janeiru to’o Abríl hamutuk 121 dadur, prizaun preventiva iha 24 no kondenadu iha 97.
Kona ba fatin atu akumula prezu iha prizaun Suai, daudaun ne’e sufisiente hela, maibé se aumenta tan nain-5 ba leten, entaun fatin la sufisiente.
“Ita kompara dadur sira ne’e ho tinan kotuk númeru ne’e la dook malu, númeru orasida aumenta no orasida tun fali, entaun ita konsidera katak hanesan de’it,” nia esplika.
Nia haktuir, dadur sira iha prizaun Suai ne’e, sira halo atividade maka hanesan vizita família, atividade Desportu, limpeza, kuda modo no inklui produz batako sira.
1,101 total views, 3 views today
Bele hare Video Seluk :
Subscribe to Timorpost
