DILI (timorpost.com)—Primeiru Ministru (PM), Kay Rala Xanana Gusmão, haktuir, Prezidente Repúblika Jose Ramos Horta fó ona instrusaun ba Ministériu Justisa hodi halo avaliasaun ba dadur sira liga ba sira nia komportamentu hodi tetu atu merese hetan indultu.
“Ami ohin ko’alia kona ba indultu, maibé Prezidente Repúblika sei hare, tanba iha maluk balun ne’ebé kadeia kulpa ki’ik liu, tanba ne’e, sei tetu ba mai sei tau konsiderasaun atu bele iha indultu, ita nia Prezidente Repúblika mós fó ona instrusaun ba Ministériu Justisa atu hare ba dadur hotu-hotu iha Timor laran tomak hodi hatene, sira iha kadeia tanba sá, tinan hira no komportamentu di’ak ka lae, no buat sira ne’e hotu para, bele tetu no hare katak sira merese duni ba indultu ka lae,” dehan Primeiru Ministru ( PM), Kay Rala Xanana Gusmão ba jornalista sira hafoin remata enkontru ho Prezidente Repúblika iha Palacio Prezidensiál Bairru-Pité, Kinta (20/03).
Primeiru Ministru mós preokupa, tanba dadur barak iha prizaun barak seidauk hetan julgamentu.
“Ita nian dadur balun iha prizaun tinan sanulu ona no barak ne’ebé sira nia situasaun iha dadur liu ona tinan lima, maibé la hetan julgamentu, tanba sira ne’e hotu mak ita husu ba Ministériu Justisa atu hare hotu para ko’alia ho Prezidente Repúblika atu balun ne’ebé komportamentu di’ak, iha arrependimentu, bele rekomenda ba xefe estadu para fó indultu ba ka oinsá iha fulan oin mai ne’e,”. Hakotu.
1,194 total views, 3 views today
Bele hare Video Seluk :
Subscribe to Timorpost
