DILI, ( timorpost.com)– Akadémiku Universidade Nasionál Timor Lorosa’e ( UNTL), José da Costa Magno, hatete governu presiza iha seriedade fó atensaun ba veteranus sira ne’ebé dedika sira-nia-an ba nasaun tanba daudauk ne’e polítika ba veteranu sira seidauk justu.
“Veteranu ida agora eziste tiha ona no lista 2009 nian ne’ebé mak la kleur tan sei fó sai, ida-ne’e hatudu katak Governu ne’e iha seriedade atu fó atensaun ba veteranu ne’ebé mak dedika sira-nia vida salva nasaun ida-ne’e husi inimigu nia liman”, dehan, José da Costa Magno, ba Timor Post liuhosi telefone, Sábadu (02/03), relasiona ho loron nasionál veteranu 03 Marsu ba dala- 7.
Nia hatutan, “Ita apresia no louva ho veteranu sira, maibé aleinde prespetiva akademia nian no mós nu’udar ema ne’ebé uluk mós kontribui uitoan liuhosi kampu, Luta ida-ne’e haree katak ita-nia polítika ba veteranu mak seidauk justu, nune’e mós ema barak mak sei fuan moras hela haree ita-nia nai-ulun sira ne’ebé tuur iha Paramentu Nasionál ho Governu durante tinan lima tuir lei bele hetan pensaun vitalísia, maibé sira uluk determina nasaun nian to’o ukun-an ne’e ita seidauk duni to’o iha ne’eba”.
Tanba ne’e, tuir nia haree ne’e hanesan defamasaun ne’ebé sei subar hela seidauk loke ba públiku, atu di’ak ne’e presiza haree ida-ne’e, sura mós ho sira ne’ebé mak uluk determina luta ida-ne’e, liuhosi referendu, liuliu sira ne’ebé partisipa iha forsa lian, iha referendu para depois timor bele ukun-rasik-an.
“Ha’u hanesan dosente ha’u mós hanesan Prezidente ba Solidaritas Mahasiswa Pemuda Pelajar Timor-Timur (DSMPPTT), ha’u sente katak fuan to’o agora sente triste hela, tanba tinan 1998 no 1999 ne’e barak mak sakrifika sira-nia vida no ema barak sakrifika nia feen no oan no ita-nia maluk feto sira barak sakrifika sira-nia dignidade nu’udar feto, sira sakrafika hotu, maibé to’o ohin loron ita sura mak balun maibé balun mós ita taka-matan hela ho razaun katak tinan balun de’it, maibé referendu laiha no ukun-an ne’e mós ha’u hanoin katak laiha”, hakotu.(*)
1,125 total views, 3 views today
Bele hare Video Seluk :
Subscribe to Timorpost
