DILI (timorpost.com) – Ministériu Edukasaun liuhusi Sekretáriu Estadu Tékniku Vokasionál ho parseiru kompañia Samsung asina Memorandum of Understanding (MoU) apoiu eletrónika ba eskola ensinu sekundária privadu no públiku sira iha territóriu laran tomak.
Sekretáriu Estadu Ensinu Tékniku Vokasionál, Domingos Lopes Lemos, hatete, ohin (horisehik) ME asina MoU ho kompañia Samsun iha Timor-Leste hodi apoia material eletrónika ba eskola sekundária privadu no públiku sira iha Timor-Leste.
“Ami asina MoU ho parseiru kompañia Samsung hodi apoiu material eletrónika IT ba eskola sekundária no privadu iha territóriu laran tomak hodi fasilita estudante utiliza ba prosesu aprendizajen iha sala laran,” nia hateten ba jornalista sira iha salaun eskola Canosa Manleuana, Sesta (24/11).
Tuir nia, apoiu ne’e importante tebes, tanba bele fasilita ona estudante sira uza iha eskola, maibé fila fali ba estudante sira mak tenke esforsu maka’as hodi utiliza material eletrónika hirak ne’e.
Tanba ne’e, husu ba estudante sira atu aproveita oportunidade hodi utiliza material eletrónika hirak ne’e sai hanesan referénsia no bukae hodi bele prepara-an di’ak hodi kompete iha futuru.
Enkuantu, estudante ne’ebé partisipa iha asina MoU ne’e mai husi eskola sekundária katólika Canosa Manleuana, São Inácio Loyola Kasait-Ulmera, munisípiu Likisá, eskola sekundária STM Bekora no estudante eskola Informátika Fomentu.
Iha fatin hanesan, Prezidente of Samsung Eletrónika New Zealand, Hyungmin (HM) Chun, hatete, apoiu material eletrónika hirak ne’e hodi fasilita estudante sira iha prosesu aprendizajen iha sala laran ho hanoin ne’ebé krítiku no inovativu.
Tanba ne’e mak apoiu ida ne’e fó oportunidade ba estudante sira hodi esplora sira nia hanoin, oinsá atu uza ho di’ak hodi hetan benefísiu ba sira nia an rasik, tanba programa ne’e implementa iha nasaun barak, no estudante sira hetan benefísiu.
1,167 total views, 3 views today
Bele hare Video Seluk :
Subscribe to Timorpost
