DILI—Prezidente Autoridade Rejiaun Administrativa Espesial Oé-cusse Ambeno (RAEOA), foun, Rogerio Tiago Lobato, daudaun ne’e iha ona Oekusi hodi prepara aan simu tomada pose.
Governu liuhosi reuniaun Konsellu Ministru, deside no aprova ona projetu rezolusaun Governu nian, ne’ebé aprezenta husi Primeiru Ministru, Kay Rala Xanana Gusmão, kona-ba RAEOA no hala’o auditoria interna ba servisu administrasaun publika.
Konsellu Ministru halo ona desizaun boot maka kona-ba Prezidente Autoridade Rejiaun Administrativa Espesiál Oekusi Ambenu (RAEOA).Eis Ministru Interior hetan nomeiasaun atu okupa fali fatin ne’ebé Prezidente Autoridade sesante, Arsénio Paixão Bano, uluk lidera, Governu deside Prezidente Autoridade halo mós simultánea Sekretariadu Rejionál sira hotu, lei loke dalan ba Sekretáriu Rejionál na’in neen.
Ba komisaun ne’e, KM nomeia João Mendes Gonçalves, nu’udar Koordenadór Komisaun Ezekutivu, enkuantu dezigna Régio da Cruz Salu no Herculano de Sousa, hanesan Vise-Koordenadór.
Governu nomeia Rogério Tiago Lobato, nu’udar Prezidente Autoridade RAEOA, ba mandatu ida tinan lima nian, ho misaun prinsipál atu superviziona atividade sira desentralizasaun nian, eduka no mobiliza populasaun lokál ba envolvimentu konxiente ida iha dezenvolvimentu ekonómiku Enklave Oekusi Ambenu.
Ho ida ne’e maka Governu nomeia mós sidadaun sira ba membru Autoridade RAEOA nian ba mandatu tinan lima maka hanesan tuirmai ne’e: André Lao, hanesan Sekretáriu Rejionál ba Administrasaun; Elvira Manat, hanesan Sekretáriu Rejionál ba Finansas; Luís de Jesus Neno, hanesan Sekretáriu Rejionál ba Saúde; Inácia Tamele, hanesan Sekretária Rejionál ba Edukasaun no Asuntu Sosiais; Filomena Sila, hanesan Sekretária Rejionál ba Agrikultura; no Marcelino Marques Coro, hanesan Sekretáriu Rejionál ba Terra no Propriedade, Rejistu no Notariadu.
Tuir onformasaun ne’eb’e asesu hosi ekipa APB23 Online News, Prezidente RAEOA foun ne’e arranka ba iha Oekusi ho aviaun Twin Otter iha oras tuku rua meudia no banhira to’o iha Aeroportu internasionál Rota do Sândalo Oé-cusse simu direta hosi.
Iha resesaun ba Prezidente Autoridade foun simu hosi Autoridade sesante reprezenta Sekretáriu Rejionál Asuntu Agrikultura Jose Eta, no komendante Polisia Rejional Oé-cusse ambeno Superientendente Nicolau F. da Costa Aliende ida ne’e membru Autoridade nomeiadu sira mós marka prezensa. No simu ho bidu tuir kultura rai ne’eba nian. Tuir ajenda tomada de pose ne’ebé sei realiza iha loron 30 Fulan Janeiru iha Otél Oéupu.
1,232 total views, 3 views today
Bele hare Video Seluk :