DILI, (timorpost.com)– Autoriedade Munisípiu Dili (AMD) liuhosu servisu saneamentu nafatin orienta pesoál sira hodi servisu raut foer durante feriadu tinan foun nian, tanba iha loron feriadu ne’e komunidade prodús foer ho volume bo’ot nune’e pesoal saneamentu nafatin servisu hodi limpeza no raut foer iha postu administrativu, Vera Krus, Dom Aleixo, Nain Feto, Kristu Rei hodi lori ba lixu fatin Tibar hodi nune’e foer labele naklekar iha dalan públiku.
“Ami pesoál saneamentu la ferias, iha loron feriadu sira nafatin mantein servisu raut foer iha tereñu, atu nune’e foer labele naklekar iha fatin públiku tanba iha loron feriadu komunidade prodús foer barak”, Xefe Departamentu Saneamentu Munisípiu Dili, Domingos Sariano dos Santos, informa ba Timor Post iha edifísiu AMD Matadouro, Sesta, (29/12).
Xefe departamentu ne’e konta, durante pesoál saneamentu halo servisu uza ekipamentu hanesan meas, lubas, sapeu, sapatu, rumpi, hodi asegura no salva sira-sia saúde atu nune’e labele hetan moras.
Durante ne’e AMD kontrata kompania lima mak kompania GSA, Lot A Lot B raut foer iha postu administrativu Dom Aleixo no kompania Felibra, Sagrilo, Nelsis, Labelai, kompania lima ne’e mak hamutuk ho funsionáriu pesoál saneamentu munisípiu Dili nian hodi kontrolu servisu iha tereñu iha Segunda to’o Domingu.
Iha sorin seluk, komunidade aldeia 12 de Outobru Tasi-Tolu, suku Komoro, Juliana Lemos, husu ba servisu saneamentu munisípiu Dili atu kontrolu raut foer iha sidade Dili atu nune’e foer labele naklekar iha dalan públiku.(*)
981 total views, 6 views today
Bele hare Video Seluk :