DILI (timorpost.com)–Programa Monitorizasaun Sistema Judisiál (JMSP) lansa programa dahuluk asegura direitu vítima violénsia bazeia ba jéneru.
Programa ida ne’e atu koloka liu ba entrevista jurista, prokuradór, ofisial tribunal, defensór públiku, advogadu privadu no fornesedor justisa nian ligadu oinsá atu asegura direitu vítima violénsia bazeia ba jéneru, liu-liu ba kazu sira hanesan violasaun seksuál, abuzu seksuál aktu seksuál ho adolexente no violénsia doméstika ne’ebé rekere prova ka evidénsia sira inklui asegura vítima sira nia direitu hodi hetan protesaun no seguransa.
“JSMP hakarak kontribui ba di’ak liu tan iha sistema juridisiariu ba preokupasaun povu nian tanba ita mós lahatene uza sistema ida ne’e ba aban bainrua ita mós sai vítima no testemuña espera ba ita hotu labele sai arguidu kondenadu”. Diretora JSMP Ana Paula hato’o ba media sia iha Suai Room Timor Plaza Dili, Kinta (23/11).
Diretora JSMP Ana Paula haktuir, dala ruma utilizadór no povu lori kazu ba tribunal ezije no ko’alia ba justisa sira servisu ho professional, tanba iha difikuldade barak mak ita nia doutór tribunál sira hasoru liu-liu bele mós iha kuantidade rekursu umanu, bele mós ba iha fasilidade no bele mós inkéritu formasaun presiza hasae tan iha ita nia sistema juridisiariu.
Tanba nee, JSMP rekomenda ba sistema judisiáriu sia no rekomenda mós ba iha ba parlamentu nasionál atu hare kle’an saida mak setór justisa presiza.
“Tinan barak ona saida mak ita presiza investe ba sistema justisa, ita labele ezije de’it servisu professional maibé fó orsamentu adekuadu tuir nesesidade tribunal nian ba, juis, prokuradór, defensór públiku, advogadu privadu no ba funsionáriu sira hotu ofisiais tribunal nian iha justisa hodi hadi’a sistema no apoiu sira nia servisu”.
Husi ne’e, JSMP konsidera katak importante tebes atu asegura direitu vítima violénsia bazeia ba jéneru liu-liu ba kazu sira hanesan violasaun seksuál, abuzu seksuál aktu seksuál ho adolexente no violénsia doméstika ne’ebé rekere prova ka evidénsia sira inklui asegura vítima sira nia direitu hodi hetan protesaun no seguransa, nune’e JSMP husu ba instituisaun relevante sira atu buka solusaun alternativa hodi hatán ba situasaun refere.
873 total views, 3 views today
Bele hare Video Seluk :
Subscribe to Timorpost
