DILI, (timorpost.com)—Organizasaun Noun Governamentál (ONG) BELUM, lansa rezultadu peskiza deskobrimentu liga ba movimentu Arte Marsiais no Arte Rituais iha tempu rezisténsia.
Diretór BELUM, Luis Ximenes hatete, husi rezultadu peskiza ne’e hatudu katak kontribuisaun AM-AR iha tempu rezisténsia boot tebes.
“Relatóriu husi peskiza ida ne’e hatudu katak kontribuisaun no partisipasaun Arte Marsiais no Arte Rituais iha tempu rezisténsia boot hanesan inkilina iha servisu sosiál apoiu umanitária no mós tulun ba iha uma kreda sira, inklui mós hanesan atividade sira ne’ebé mak governu estabelese hanesan limpeza no seluk tan. Ida ne’e mak hetan husi peskiza ne’e”. Dehan Diretór BELUM, Luis Ximenes, informa ba jornalista sira iha Salaun CNE, Tersa (16/04/2024).
Diretór BELUM ne’e haktuir, peskiza ida ne’e atu hare liu oinsá hakabit joven sira ne’ebé envolve iha Arte Marsiais no Arte Rituais oinsá mak sira bele kontribui pozitivamente ba paz no mós kontribui ba dezenvolvimentu rai ida ne’e.
“Ita nia prepara joven la’ós de’it liu husi etapa dimensaun intelektuál, eskola no universidade maibé joven ne’ebé mak liu tiha nia estudu ona karik ita hare kona-ba kampu de servisu.
Tanba ne’e SEFOPE iha atu fó formasaun balun sai ba li’ur maibé balun tenke kontribui mantein nafatin Dezenvolvimentu, tan ne’e setór ida ne’ebé Governu fó atensaun liu-liu oinsá mak programa sira ne’ebé pro joven ne’e importante.
“Ita tenke alerta ba Arte Marsiais no Arte Rituais sira nia doutrina rasik ne’e la fó dalan ba sira atu oho malu no estraga malu, dala ruma ida rua nia hahalok maibé liga tiha fali hanesan fali organizasaun nia problema”.
Tanba ne’e mak atu fó kriatividade ba organizasaun membru sira tenke iha dixiplina no kaer metin nia doutrina hodi kontribui ba dezenvolvimentu.
Arte Marsiais no Arte Rituais nia envolvimentu rezisténsia ne’e boot tebes iha tempu ne’ebá tanba ne’e nafatin alerta ba sira atu fó kontimidade tanba libertasaun nasionál ne’e libertasaun pátria povu, Patria hakat ona daudaun maibé povu ne’e sei iha oin hela, tanba ne’e kontimidade mandatoriu istóriku ne’e tenke fó kontinuidade, ida ne’e mak substánsia loloos arte marsiais no arte rituais sira mosu liuliu ba joven tenke kontribui pozitivu. Nia informa.
Entretantu, implementasaun area kobertura husi peskiza ne’e kobre Munisípiu haat hanesan, Bobonaru, Likisá, Ermera no Dili.
1,860 total views, 3 views today
Bele hare Video Seluk :
Subscribe to Timorpost
