DILI (timorpost.com)—Relasiona ho identifikasaun Diresaun Jerál Rejistu Servisu Notariadu (DJSRN) katak Timor oan barak trata no hetan pasaporte maibé la halo viajen too pasaporte mate, Sekretáriu Estadu Formasaun Profisionál Empregu (SEFOPE) rekoñese erru no sei halo planu atu evita iha futuru.
Xefe Gabinete SEFOPE hatete Jacinto Ribeiro Dias, hatete, preokupasaun DJSRN ne’e universal no SEFOPE rekoñese dunik erru ba oin sei hadi’a atu nune’e evita la bele estraga pasaporte iha Timor-Leste.
“Ida ne’e SEFOPE mós rekoñese katak los duni, uluk ita haruka tiha labarik sira trata pasaporte no balun too pasaporte mate tiha de’it mós la ba, entaun ita tuir ekonomia ita lakon ona oportunidade no estraga ona pasaporte iha Timor-Leste,” dehan Jacinto ba jornalista sira, iha SENAI Becora Kinta (23/11).
Nia dehan, Diretór DNEE ho Diretór Jeral Rejistu Servisu Notariadu komunika ona SEFOPE atu dehan katak aban bain-rua bazeia ba rekomendasaun, bainhira sira liu ona sistema mak foin trata pasaporte, atu nune’e la bele estraga pasaporte iha Timor-Leste.
1,101 total views, 3 views today
Bele hare Video Seluk :