Dili (timorpost.com)—Iha loron hirak liubá Myanmar hasai komunikadu ida liga ba espulsaun diplomata timoroan iha nasaun refere.
Vise Ministra Negósiu Estranjeiru no Kooperasaun no Vise asuntu ASEAN Milena Maria da Costa Rangel, konsidera komunikasaun ne’ebé Myanmar hasai sei la implika Timor-Leste nia adezaun ba Asosiasaun Nasoins Sudeste Aziátiku (ASEAN).
Daudauk ne’e Primeiru Ministru (PM) no Prezidente Repúblika (PR) hamutuk ho opozisaun parlamentár sira mós fó ona sira nia opsaun.
“Ita nia pozisaun mak hanesan iha press realize, ita akompaña ita nia enkarregadu negósiu nia too ona iha TL. Ne’e desizaun Governu ita kumpre. Ita nia pozisaun nafatin hanesan saida mak ita nia PM, PR ko’alia iha press realies” dehan nia iha Palasiu Governu, Tersa-Feira (29/08).
Atu iha implikasaun ba oin ou lae, nia dehan daudauk ne’e TL implementa hela roteiru sai hanesan indikadór neste momentu.
“Atu iha influensia laiha influensia ita implementa hela ita nia roteiru, ne’ebé ita nia roteiru maka sai indikadór ba ita nia Adezaun”. Nia haktuir.
Iha parte seluk, Prezidente Repúblika haktuir, TL tenke sente orgullu tanba espulsaun ne’e hanesan resposta ida hosi defeza ba direitu umanu.
“iha situasaun ne’e ita sente orgullu tebes. Ba atus ne’e koerente ba denunsia golpe militár no denunsia ba krime grave kontra umanidade, nune’e espulsa refere sai hanesan motivasaun ida hodi ita orgullu”. Xefe Estadu hato’o.
Prezidente haktuir, Timor-Leste kontinua apoiu pozisaun ASEAN ba esforsu no organizasaun hodi rezolve situasaun iha Myanmar.
“Timor-Leste la iha opozisaun ne’ebé diferente ho ASEAN hodi kondena golpe militár, masakre no populasaun sivíl feto no labarik. No militár sira mak responsabilidade iha Myanmar no Putin mak responsavel hba krime kontra umanidade iha Ukránia”. Hakotu.
Kona-ba espulsa diplomata timoroan asaun ne’e sira foti, tamba deklarasaun ne’ebé ita-nia Primeiru-Ministru, Prezidente Repúblika halo relasaun ho situasaun povu Myanmar hasoru, situasaun povu Myanmar la’ós hetan kondisaun hosi ita, maibé hosi Konsellu Seguransa ONU mós ko’alia katak situasaun ne’ebé akontese iha ne’eba labele kontinua. Tanba depois eleisaun demokrátika Prezidente ne’ebé manán junta militár lakohi simu hodi hamosu situasaun no antes ne’e mós hamosu ona situasaun nune’e mundu hotu hatene.
Nune’e, Timor-Leste sente fó solidariedade ne’e haree ASEAN hanesan organizasaun mós halo ona rezolusaun maibé to’o agora implementasaun rezolusaun laiha, ne’ebé ohin loron povu Myanmar sente tenke espresa hatudu TL nia solidariedade no situasaun ne’e labele kontinua.
Espulasaun diplomata timoroan iha Myanmar, Timor-Leste profunda solidariedade ho povu Myanmar, apela solusaun pasífika krize iha nasaun permite estabelesimentu no restaura ordern demokrátika.
1,530 total views, 3 views today
Bele hare Video Seluk :
Subscribe to Timorpost
