Dili (timorpost.com)—Prezidente Repúblika, José Ramos-Horta, ezonera Adjuntu-Xefe Kaza Militár, Superintendente Polisia João dos Reis Belo, tanba konsidera, integra iha lista promosaun ba postu superior no manifesta ninia interese atu hadi’a karreira profisionál.
“Desizaun liu-hosi dekretu Prezidente Repúblika, númeru 59/23 de 29 Jullu, bazeia ba númeru 3, artigu 26, Lei Orgánika Prezidénsia Repúblika, Lei númeru 3/201 de 1 Juñu”, Timor Post sita komunikadu ne’ebé asesu husi media PR, Kinta (06/07).
Xefe Estadu mós konsidera númeru elementu husi Polísia Nasionál Timor-Lorosa’e (PNTL) ne’ebé mak tinan ne’e, sei tama iha situasaun apozentasaun.
Hafoin ne’e, liu-hosi dekretu Prezidente Repúblika, númeru 60/2023 no bazeia ba Lei Orgánika Prezidénsia Repúblika, Xefe Estadu nomeia Superintendente-Asistente Luís Barreto Soares ba Adjuntu-Xefe Kaza Militár Prezidénsia Repúblika nian.
Antes ne’e, Adjuntu- Xefe Kaza Militár assume kna’ar hanesan Adjuntu Diretór-Jerál Servisu Migrasaun entre 2009 to’o 2016, Komandante ba Sektór Permanente Estranjeiru husi tinan 2016 to’o 2019, Adidu Migrasaun iha Indonézia entre 2019 to’o 2020 no iha tinan 2023, okupa temporáriamente Komandu ba Pesoál no Formasaun.
Superintendente-Asistente Luís Barreto Soares doutoradu iha área Direitu husi Universidade Udayana Bali no mós hetan formasaun oi-oin iha àrea investigasaun kriminál, esploitasaun sexual, tráfiku umanu, lideransa no demokratizasaun.
4,638 total views, 3 views today
Bele hare Video Seluk :
Subscribe to Timorpost
