DILI (timorpost.com) – Ministériu Administrasaun Estatál (MAE) orienta Autoridade Munisípiu Dili (AMD) hodi distribui dokumentu no ekipamentu sensitivu eleisaun parlamentár nian ba iha sentru votasaun sira iha Dili laran relasiona ho selebrasaun loron 20 de Maiu ba dala 2021
“Ami hetan orientasaun husi Ministériu Administrasaun Estatál hodi komemora loron importante 20 de Maiu ba dala 21 distribui dokumentu no ekipamentu sensitivu urna eleisaun nian ba iha sentru votasaun sira iha Dili laran,” Prezidente Autoridade Munisípiu Dili, Guilhermina Filomena Ribeiro, hateten ba Timor Post iha edifísiu AMD Matadouru, Segunda (08/05).
Nia dehan, komemora loron importante ida ne’e AMD servisu hamutuk ho Sekretariadu Tékniku Administrasaun Eleitorál (STAE) no Komisaun Nasionál Eleitorál (CNE-sigla Portugés) hodi fornese dokumentu sensitivu liga ba eleisaun parlamentár tinan ida ne’e nian.
Tanba tinan ne’e tinan polítika, entaun komemorasaun loron restaurasaun 20 de Maiu ne’e la prenxe ho atividade barak hanesan tinan hirak liu ba kotuk.
“Tinan ne’e ami laiha atividade barak hodi komemora 20 de Maiu, maibé ami halo atividade ida de’it mak distribui dokumentu urna eleisaun parlamentár nian ba iha sentru votasaun ida-idak iha Dili hodi nune’e ema hotu bele tuir eleisaun parlamentár,” nia esplika.
Aleinde ne’e mós, iha 20 de Maiu sei izar bandeira iha edifísiu AMD hamutuk ho ekipa STAE no CNE ho Polisia Nasionál Timor-Leste (PNTL) hodi fahe ekipamentu esensiál ba iha sentru votasaun ida-idak ne’ebé estabelese iha munisípiu Dili.
1,008 total views, 3 views today
Bele hare Video Seluk :
Subscribe to Timorpost
