DILI-Jurista partidu Kmanek Haburas Unidade Nasional Timor oan (KHUNTO), Arnaldo da C. Lopesha hato’o keixa ba Ministeiru Publiku kona-ba kontra kuadrus partidu politiku Kongresu nasionál Rekonstrusaun Timor (CNRT) ne’ebé hala’o komisiu kamapaña iha munisipiu Maliana katak KHUNTO mak fasilita dokumentus ba sidadaun na’in rua hosi Indonesia.
“Ami hosi jurista Partidu KHUNTO mai hato’o keixa kontra kuadrus partidu CNRT, ne’ebé maka iha dia 11 fulan maio tinan 2023, komisiu kampaña iha Maliana, katak feto nain rua mai hosi nasaun vizinu Indonesia deklara katak partidu khuntu mak fasilita kartaun elitoral no pasaporte ba sidadaun na’in rua ne’e, ida ne’e maka ami deskorda no mai hato keixa iha Ministeriu Publiku”.
“Ami kontra kuadrus partidu CNRT tanba, espalla katak inputa Partidu KHUNTO mak fasilita kartaun eleitoral no pasaporte ba sidadaun na’in rua ne’e,maibe konpetensia ba ida ne’e, STAE no orgaun komponete iha notariadu sira nia servisu laos paritdu KHUNTO”.
Sidadaun na’in rua ne’e hanesan sidadaun estranjeiru, tanba saida mak sira bele mai tuir fali komisiu kampaña partidu politiku CNRT iha munisipiu maliana. Sidadaun ne’e ema estranjeiru, problema mak ne’e partidu CNRT bele emita sidadaun estranjeiru bele mai tuir kampaña ida ne’e CNRT mós komete hela ida ne’e tanba emita sidadadun estranjeiru mai tuir kampaña ho ida ne’e mak ami kontra sira hotu no ami mai keixa ne’e.
Evidensia mak ita hotu hatene katak media barak fo sai horseik, ida ne’e mak evidensia konkretu ida no ami bele mai hato’o keixa iha ministeiru publiku hodi buka hatene se mak sai autor prinsipal ba sidadaun nain rua ne’e, ida ne’e mak partidu KHUNTO rezeita no kontra.
Horseik dader iha 9 oras ami hatama keixa iha CNE, depois 2 oras meudia ami hatama tan iha komandu jeral atu servisu ho lina relasaun hodi buka tuir sidadaun na’in rua ne’e hodi prosesa tuir lei. Justisia justu mak ne’e tenki kaer se mak fasilita dokumentus sira ne’e ba sidadaun na’in rua ne’e mai tama iha Timor-Leste no bele tuir komisiu kampaña CNRT iha munisipiu Maliana, ida ne’e kontra ona lei tanba, komisiu kampaña elitoral ida ne’e ba sidadaun Timor-Leste de’it.
1,548 total views, 3 views today
Bele hare Video Seluk :
Subscribe to Timorpost
