ADVERTISEMENT

Komunidade Konsideradu Laiha Konxiénsia Soe Lixu

Mario da Costa - Dili
Jornalista : Estaziada Ermelinda Caet
Editor : Mario da Costa
  • Share
Lixu lekar iha Sidade Dili, Imajen Esp.

Dili (timorpost.com) – Haree lixu lekar iha Sidade Dili, Prezidente Autoridade Munisípiu Dili (PAMD), Guilhermina Filomena Saldanha Ribeiro, konsidera komunidade sira mak laiha konxiénsia atu soe lixu iha lixeiru.

Nia hatete, sente triste tanba Governu kria ona kondisaun ba lixu, maibé komunidade sira la soe fo’er iha fatin lixu hirak ne’e.

ADVERTISEMENT
SCROLL FILA BA NOTISIA


“Komunidade soe lixu arbiru ne’e, ha’u hanoin ba sira-nia preokupasaun ami hatán tiha ona, triste tanba buat hotu-hotu ami halo, maibé situasaun mak ida ne’e, ita-nia komunidade baruk la’o sai husi nia uma ba fatin ne’ebé Estadu tau tiha ona,” nia hateten iha Kaikoli, Tersa (17/01).

Lee Mós :
Pesoál Saneamentu Dili Simu Ona Farda Foun

Nia dehan, tuir loloos ne’e komunidade sente katak fatin lixu ne’ebé Estadu ka Governu tau ona, hamriik la’o uitoan ba ne’ebá hodi soe fo’er.

“Ha’u husu ba komunidade sira, Dili ne’e ita hotu nian, ita hotu nia uma la’ós Prezidente Autoridade nian mesak, ita hotu-hotu ne’ebé hela iha ne’e iha responsabilidade atu hadi’a ita-nia uma liuliu soe lixu iha fatin,” nia hateten.

Lee Mós :
Lú Olo Garante Hetan Kadeira 40

Nia hatete, atu fó sansaun ba sira presiza ho baze legal ida, sansaun ida primeiru ne’ebé fasil liu mak bolu atensaun verbal, tuir loloos sira hatene katak soe fo’er tuku 4:00 to’o 7:00 madrugada, mais agora sira prepara hela sirkulár ida katak bele soe fo’er mais ou menus tuku 9:00 kalan to’o madrugada.

Nia dehan, iha tempu badak sira sei hasai sirkulár ida, depois karreta mós sei aviza ka fahe informasaun ba komunidade sira hodi bele hatene klaru.

Lee Mós :
Antes Tortura Joven Na’in-2, Grupu Organizadu informa ona Kazu Dahuluk ba Polísia 

“Kontratasaun ne’e halo antes ha’u-nia mandatu, entaun ha’u mai hatutan de’it, ita iha kompañia tolu, ida mak husi Fundu Infraestrutura nian, kompañia rua seluk mak Sania Nuklear ho Sania Habot, ne’ebé halo ho kompañia timoroan PAX, ne’e kona-ba koleta de’it,” Guilhermina hakotu.

 1,590 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Konsideradu Laiha Konxiénsia Soe Lixu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No