ADVERTISEMENT

PR Horta Husu Autoridade Sira Mobiliza Populasaun Partisipa Sensus 2022

Mario da Costa - Jeral
Jornalista : Mariano Abi
Editor : Mario da Costa
  • Share
Prezidente Repúblika, José Manuel Ramos Horta, Imajen TP/Mariano Abi

Dili (Timor Post) – Prezidente Repúblika (PR), José Manuel Ramos Horta, husu Autoridade Munisípiu, Xefe Suku, no Xefe Aldeia sira hodi halo sensibilizasaun atu ema hotu-hotu partisipa iha Sensus Populasaun no Uma-Kain 2022.

Tuir Xefe Estadu, Sensus ne’e baze importante teb-tebes para Governu, ema hotu-hotu, Timor-Leste nia parseiru Internasionál sira, Akadémiku, estudante sira, hodi hatene loloos retratu sosiál, umanu, polítiku rai ne’e ninian, fó baze para Governu Timor-Leste halo planifikasaun liuliu di’ak atu fó resposta ba dezafiu ne’ebé rai ne’e enfrenta.

ADVERTISEMENT
SCROLL FILA BA NOTISIA


Lee Mós :
PR Horta Sei Realiza Prémiu ba Prezépiu Iha Fulan Dezembru 

“Ha’u halo apelu ba Xefe Aldeia, Xefe Suku, Prezidente Munisípiu, kontribui para halo mobilizasaun, sensibilizasaun atu hotu-hotu partisipa. Sensus ida ne’e atu deside ema ida-idak, hanesan Primeiru Ministru, hatete ne’e hanesan baze ida atu Governu bele haree loloos, oinsá atu ajuda iha halo polítika dezenvolvimentu, hahú kedas husi kosok-oan sira, Inan sira, to’o adultu sira,” nia diskursu iha serimónia lansamentu Programa Sensus Populasaun no Uma-Kain 2022 iha Sentru Konvensaun Dili (CCD), Segunda (15/08).

Prezidente Repúblika husu ba ema hotu-hotu kontribui fó dadus loloos, fó resposta loloos ba ajente sira ne’ebé halo pergunta ne’e, buat ne’e simples no di’ak, no depois sei haree iha fulan ruma nia laran rezultadu sei sai.

Lee Mós :
PR Horta: Rekuperasaun Ativu Signifika Iha Luta Kontra Korrupsaun

“Ita sei haree estatístika sira balu, ita haree iha tinan ne’e nia laran, no fulan nia laran, ne’e loos duni ka lae, koresponde duni ba realidade sosiál, ekonómika Timor nian ka lae, para Governu, ita-nia parseiru Internasionál sira hodi serbisu hamutuk, ita bele hadi’a di’ak liu tan dezenvolvimentu rai ne’e ninian,” nia afirma.

Antes Xefe Estadu hakotu informa tan katak, Importante teb-tebes ba Timor-Leste atu tama ba ASEAN, realidade ne’e besik ona, entaun tenke fornese mós ba parseiru sira ASEAN, husi dadus ne’ebé halo liuhusi sensus sira ne’e.

Lee Mós :
Preparasaun ElPar 2023, PR Horta Konvida CNE-STAE

“Hatete ho sientífiku ou loos duni, estatístika labele manipula, estatístiku la bele bosok. Portantu, ita-nia estatístiku tenke kredivel 100%, ne’e iha imi-nia liman, povu nia liman, atu bele partisipa iha sensus ida ne’e,” nia hakotu.

 2,811 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Husu Autoridade Sira Mobiliza Populasa…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No