DILI (Timor Post) – Organizasaun Nasoins Unidas (ONU), fó kongratulasaun ba Estadu no Governu Timor-Leste (TL), kona-ba implementasaun programa SENSUS Populasaun no Uma-kain tinan 2022 ne’ebé atu sai programa rekolla dadus iha territóriu.
“Ha’u reprezenta ONU, hodi partisipa ba lansamentu ba Programa SENSUS Populasaun no uma-kain Timor-Leste iha tinan 2022 nian,” dehan reprezentante ONU iha Timor-Leste, Roy Trivedi, iha nia diskursu, Segunda (15/08).
Nia mós agradese ba Governu Timor-Leste nia servisu ne’ebé organiza ba eventu ida ne’e hodi marka prontidaun ba nasaun nian liuhosi Dijitál ne’ebé sei hahú iha loron haat (4) Fulan Setempbru 2022.
Programa SENSUS ida ne’e importante tanba hanesan marka ida iha sistema ONU nian ho sente orgullu, tanba ne’e sai parseiru ida ba Governu Timor-Leste ba Programa SENSUS Populasaun no uma-kain iha tinan 2022 nian.
Nia dehan, hakarak atu rekoñese Governu Timor-Leste nia apoiu no kompromisiu liuliu Diresaun Nasionál Estatístika ne’ebé iha kna’ar atu implementa programa SENSUS ne’e.
“Ha’u rekoñese ba kna’ar importante hosi renumeradór sira, kona-ba dadus ne’ebé kualidade, no konfiavel”, nia hateten.
Nia apela ba Traballadór hot-hotu, atu fó apoiu nesesáriu ba vizita komunidade sira iha territóriu laran tomak duranate implementa progaram SENSUS. Programa ne’e hanesan konta ema ida-idak ne’ebé hela iha nasaun ida nia laran, tuir oras ne’ebé espesifiku.
Bainhira hahú konta, Enumeradór sira tenke husu mós perguntas ne’ebé iha relasaun ho situasaun ekonomia no sosiál ne’ebé daudaun ne’e uma-kain enfrenta.
Tanba atu fó informasaun ida ba Governu no ema hotu ne’ebé hakarak hadi’ak kondisaun moris povo Timor nian.
SENSUS mós fó informasaun ne’ebé di’ak ba Governu atu foti desizaun Polítiku no fó mós informasaun kona-ba kresimentu populasaun ohin no iha futuru atu bele ajuda Governu sira halo planeamentu no implementa polítika ne’ebé realistiku ba dezenvolvimentu.
“Ha’u sublina ba apoiu finanseiru durante servisu liuhosi UNFPA hosi ONU nian, hanesan dadus fornese asisténsia no téknika ba finanseiru durante prosesu SENSUS tomak”, nia informa.
Apoiu tékniku, nia dehan, iha tékniku espertu na’in lima, ne’ebé servisu iha Projetu ba lisensamentu ida ne’e, tanba servisu ida ne’e sei asegura ba kapasidade ba Diresaun Jerál Estatístika tuir padraun Internasionál nian.
1,571 total views, 3 views today
Bele hare Video Seluk :
Subscribe to Timorpost
