ADVERTISEMENT

PN Hasai Rezolusaun Hodi Rekoñese Obra Max Stahl

Mario da Costa - Jeral
Jornalista : Cardenio Alves
Editor : Asisten Hermenegildo da Costa Tilman
  • Share
Prezidente Komisaun A, Deputadu Joaquim dos Santos, Imajen TP/Cardenio Alves

DILI (Timor Post) — Prezidente Komisaun A, Joaquim dos Santos, hatete Parlamentu Nasionál (PN), hasai rezolusaun ida hodi rekoñese ba Max Stahl nia obra rezisténsia durante kontribui ba luta iha Timor-Leste, hanesan Jornalista.

“Importante tenke valoriza Max Stahl nia obra durante períodu rezisténsia nia kontribui ba Timor-Leste hanesan Jornalista, tanba ne’e mak Parlamentu hasai ona rezolusaun ida ne’e hodi rekoñese ninia Partisipasaun”, nia hateten iha Parlamentu Nasionál, Segunda (25/07).

ADVERTISEMENT
SCROLL FILA BA NOTISIA


Prémiu ne’e naran Max Stahl, tanba konsidera Parlamentu hasai rezolusaun ida, iha fulan tolu ba kotuk ne’ebé fó kompeténsia ne’e ba komisaun A, atu elabora regulamentu ida, hodi Parlamentu bele aprova no uza hodi fó prémiu ba sidadaun Timoroan ne’ebé defende Liberdade Imprensa.

Tuir Deputadu ne’e hatete, regra sira presiza tau iha regulamentu ne’ebé sei fó kompeténsia ba komisaun A, hodi nomeia juri na’in-5 mak sei halo rekrutamentu kandidatu tau iha prinsípiu lei sidadaun lokál.

Lee Mós :
Caucus ho Plan Diskute Promove Profile Feto Kandidata ba Xefe Suku

“Juri ne’ebé sei hala’o nia kna’ar hanesan aprezentasaun ba rezultadu, tanba Juri mak sei halo rekrutamentu sira, sei kria regra kritériu kandidatu ne’ebé nu’udar prinsípiu lei sidadaun Lokál,” nia hateten.

Nia dehan, depende iha koñesimentu sientífiku, koñesimentu Polítiku, koñesimentu istóriku kona-ba istória Timor na’in, liuliu liga ba Liberdade Imprensa nian.

Regra sira ne’e juri mak sei uza, juri mak sei halo rejistu ba kandidatu sira depois halo klarifikasaun no sira aprezenta ba Prezidente Parlamentu, atu konsulta ho lider bankada sira atu fó prémiu Max Stahl.

Tanba ne’e komisaun nia servisu ikus mak atu fó kandidatu na’in-tolu ho kompetisaun valor hanesan, no Prezidente ho Konsellu Ministru mak sei hili ida hanesan premiadu,” nia afirma.

Lee Mós :
ParPol Realiza Diálogu ho Ema Defisiénsia

Nia hatutan, tinan ne’e atraza ona, se aprova karik, dokumentu haruka ona ba Parlamentu, no Parlamentu ratifika iha Setembru, ba  tinan oin mak bele aplika, tanba prosesu ne’e hahú iha loron tolunulu 30 fulan Juñu mak komisaun Parlamentu  hari ona juri.

“Juri hahú servisu fulan tolu, depois entrega mai iha PN prepara hahú Jullu, Agostu, Setembru, juri na’in-5 ne’e hili husi sosiedade sivíl. Maibé ema independente mak halo selesaun, ne’e tenke iha koñesimentu kona-ba lei, situasaun imprensa, siénsia liberdade imprensa nian signifika ema Méritu”, nia informa.

Nia hatutan, sira ne’e mak sei delega ba parte juri, iha loron  30 fulan Juñu,  ne’e komisaun iha ona entaun hahú loron 1 fulan Jullu ba to’o 31 Setembru ne’e prosesu tenke hotu atu sekretáriu Parlamentu tenke prepara kondisaun ba loron 12 de Novembru, atu fó prémiu ne’e, tinan-tinan prémiu ne’e sei fó iha 12 de Novembru”, nia subliña.

Lee Mós :
Antonio Verdial, Povu Nian Lian Sei La Monu ba Rai

Nia esplika, iha situasaun rua Max Stahl ninia kontribuisaun ho sidadaun Nasionál Timoroan sira-nia kontribuisaun iha Loron hanesan 12 de Novembru.

“Maneira husi Premiadu sira sei simu osan no sertifikadu, osan montante minima, maibé hanesan rekoñesimentu ba premiadu, tinan ne’e seidauk bele, tanba regulamentu ne’e ita tau hahú nomeia juri até loron 30 de Juñu”, nia hateten.

Ikus nia dehan, se karik tinan ne’e Parlamentu aprova karik Juñu tinan oin komesa ona, no planu tinan 2023 bele fó ona prémiu ba sidadaun nasionál ka estranjeiru ne’ebé defende liberdade imprensa.

 1,616 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PN Hasai Rezolusaun Hodi Rekoñese Obra Max Stahl” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No