DILI—Tristeza husi mateuma matebian Sisto dos Santos, iha Suku Bebonuk, Aldeia Metin I, sabadu (18/03) dader madrugada hele’u tuku 5:00, familia amigu, kolega, parente no vizinu, ho matan wen hamaluk matebian.
Tuir observasaun Timor Post iha sesta (17/03), vizitante residensia mateisin ativista direitu humanus no Justisa, Sisto dos Santos, rihun ba rihun husi uma laran to’o mai areador uma nian, ate balu hamriik iha tasi ibun.
Kalan ne’e hadeer hodi hamaluk matebian ikus liu banihira haree ho matan kon-ba isin loloon, maski laran ne’e todan atu husik matebian, laiha liafuan seluk monu iha malu sira nia ibun, barak ne’e hodi konta hela de’it Matebian Ativista Sisto ninia di’ak, ba rai no povu iha nasaun ida ne’e.
“Saida maka ami aprende husi Maun Sisto maka dehan defende ba lia loos, justisa, ba ema hotu nia interese, povu hotu nia interese labele ta’uk atu hakilar”, Estudante ne’ebé la temi naran ne’e hateten.
Lubuk ida ne’ebé tuur de’it iha hudi leet ne’e, maski matan wen sulin, hatan malu, “loos durante ne’e Maun Matebian kuandu hamriik ona atu luta ba ema barak nia interese, maksi atu hasoru mehik no kroat mós nunka hakruk to’o iha solusaun”.
Matebian ninia honestidade, umilidade, ninia setimentu partensia ba povu ida ne’ebé ho responsabilidade makaas ba intere humana atu moris dignu iha ninia nasaun, “ida nee maka durantee ne’e matebian luta iha nia vida tomak”
Dada lia iha ne’e la sente dada oras besik madrugada hale’u tuku 5:00, orasaun dadersan akompañia mate isin, sentidu kotinensia ikus ho matebian Sisto iha oras balu tan hiit an sai husi nina uma husik hela fen ho oan, familia tomak no viziñu mós besik ona.
Tanis ho halerik nakonu iha fatin-fatin areador matebian nia uma, ho laran triste komisaun organizadora ho familia aviza ba familia, amigu, parente, kolega no vizinu atu prepara an akompañia matebian Sisto tuir ajenda ne’ebé komisaun organizadora halo ona.
Orariu rote Matebian Heroi Direitu Humanus, “Sisto dos Santos, hafoin kalan tomak hamaluk ita, sei husik hela uma ho familia tomak ba Igreija Aimutin iha hale’u tuku 7:15.
Hafoin misa remata sei akompañia matebian Diretor Yayasan hak ba servisu fatin Farol, husi ne’ebá sei kontinua ba Faspol kontinua ba CNC depois sai husi CNC sei lori kedas Matebian ba nia rai moris fatin, Suku Fuiloro, Postu Administrative Lospalos, Munisipiu Lautem hodi haloot.
1,238 total views, 3 views today
Bele hare Video Seluk :
Subscribe to Timorpost
