Husi lian Tanis nia halerik……
Se mak ha’u iha nasaun ne’e….
Aten brani fo moris hakarak liberta patria
Latauk inimigu hodi hakilar ho lian makas
Mate ka moris ukun rasik aan
Ukun rasik aan
Palavra ida nia sinonimu simples
Maibe sosa ho ruin naklekar no ran sulin
Husi tasi feto tama too tasi mane…
Ohin loron liberta patria
Rai lafaek riska ona ho letra
Timor-Leste-RDTL, ha’u nia nasaun.
Tanba sa era ukun aan
Hamosu fali sistema kolonial
Iha republika ne’e…se los mak nain ba Republika ne’e.
Kapitalizmu sira komesa dominan
Republika ne’e..tanba sira ho kapital boot
Ran puro Timoroan Nakfila sai bainaka iha nia rai husar fatin horik ba..
Ba se mak lian laek sira atu sadere sofrementu ne’eba..
Ba se mak matan ben atan sira atu konsola ba…
Elite kapital sira nunka hatene
Istoria moruk liberta republika ne’e
Husi fenomenu sira ne’ebe sai memoria luta tinan barak
hamosu sofrementu barak.
Ema barak lakon familia..
Barak mate buka lahetan
Barak tenke halai ba liur Hodi moris…
Se los mak nain ba rai ne’e.
Sosializmu eutopia sempre uza povu hodi hamoris nasaun
Tanba saida ran puro lakon level ho kapitalizmu sira..
Nasaun ne’e konstitui ona ba Timorroan
Tanba saida Timoroan rasik sai bainaka ba kapitalzmu sira..
Se los mak sofre ba nasaun ne’e..
Povu lian laek..
Sempre monu no lakon identidade lian
Tanba klase husi level kiik..
Karik povu mos luta ba identidade nasaun ne’e
Tanba saida…tenke akontese pratika sistema kolonial
Repulblika ne’e….se nian los…
Republika ne’e vale los ba se….
Valor demokrasia..iha ne’ebe…..
Direitu povu nian ba iha ne’ebe….
Konstituisaun mata dalan republika ne’e
Sei vale ba direitu povu kiik ka la’e…
Karik vale tanba sa tenke kontra..
Karik vale tanba sa tenke pratika sistema Kolonial..
Timor iha sistema naha biti boot..
Tanba saida la pratika..
Sei vale ka lae kultura nahe biti boot….
HT 2024….(25/04/2024)
1,098 total views, 3 views today
Bele hare Video Seluk :