BEIJING – Prezidente Repúblika Popular China, Xi Jinping, ho Presiden eleitu Indonézia, Prabowo Subianto, hasoru malu iha Salaun boot povu nian, (Great Hall of the people), Beijing iha segunda (01/04), hodi deskute future relasaun bilateral nasaun rua nian.
Xi Jinping espresa ninia kongratulasaun ba Prabowo Subianto hafoin eleitu hanesan Prezidente Indonézia ninian, inklui husu atu hato’o komprimentu ba Prezidente atual Joko Widodo.
Iha hasoru-malu ne’e, Xi Jinping foka ba progresu relasaun entre China ho Indonézia iha dákada ikus, atinje rejultadu diak, inklui projeitu Karreta-lais hosi Jakarta-Bandung hanesan ezemplu parseria ne’ebé kualidade.
Aumenta tan, Xi Jinping nafatin afirma kometimentu China hakarak haklean kooperasaun estratéjiku kompreensivu ho Indonézia, tantu nivel global, hodi kontribui impaktu pozitivu ba dame, establidade, no proseperidade iha rejiaun no mundu.
Iha kontestu nee, Xi Jinping enfatiza importnsia hosi mantein independénsia estratéjika, konfiansa mútua, ba kooperasaun mutuamente benéfisia, justu no igualdade hanesan xave ba susesu hosi relasaun biulateral. Nia mós enfatiza papél importante China ho Indonézia hanesan nasaun principal iha desenvolvimento ne’ebé reprezenta merkadu boot.
1,947 total views, 15 views today
Bele hare Video Seluk :