DILI (TIMORPOST)—Vise Ministra Finansas, Felícia Carvalho, informa Ministériu Finansas simu informasaun hosi Portu Tibar, kona-ba reseita iha tinan 2023 kontribui ona millaun 1 USD ba Kofre Estadu (KE).
“Portu Tibar ne’ebá iha terminal operasaun ho custom, maibé ita sei haree oinsá atu esplora tan transshipping line, atu nune’e importasaun tama mai ita bele rekolla reseita, maibé tinan 2023 Portu Tibar hatama ona reseita millaun 1 USD ba kofre estadu”, Felícia Carvalho, hato’o informasaun hirak ne’e, hafoin partisipa simu relatóriu final hosi PDHJ iha Kaikoli, Kuarta (06/02/2023).
Governante ne’e mós, hatete, Governu sei haree mós ba iha jestaun operasaun iha Tibar, atu nune’e bele iha konfiansa ba negósiu importasaun liuliu transshipping line ne’ebé sempre lori kontainer tama no sai.
“Kontainer kuandu sai ho mamuk la’ós signifika ladún di’ak, tanba ne’e mak fulan kotuk Portu Tibar loke ona oportunidade ba kompañia Kokoa hosi Timor atu esporta produtu ba rai li’ur, maibé nia kuantidade mak ki’ik, tanba ne’e negósiu ba kontainer ne’ebé mak sai ho mamuk la’ós signifika la di’ak, se kuandu ita nia esportasaun ne’e sa’e”, nia ko’alia.
Nia rekoñese katak, sasán ne’ebé durante ne’e kontainer lori tama mai TL hosi indústria seeping nia konteiner iha rua hosi Singapura no Surabaya Indonézia.
“Ita foin mak iha inisiu tinan 2024 ne’e ita sei haree took kada trimestrál iha relatóriu ne’ebé mai, atu haree ba iha mudansa konteiner no indústria seeping ne’ebé to’o iha Timor, alende hosi nasaun rua ne’e”, nia konklui.
Antes ne’e Project Management Unit (PMU) Rafael Ribeiro, informa Portu Baía Tibar fó sai relatóriu mensál, katak to’o Abríl 2023, Ró karga hamutuk 83 ne’ebé atraka iha Portu Tibar no rendimentu ba Governu liuhosi tarefa konsedente ka taxa navegasaun no taxa atrakasaun, inklui pagamentu por tráfegu ka royalty taxas hamutuk 648.000 USD.
Tuir dadus ne’ebé fó sai hosi Autoridade Alfándega, komparasaun kolesaun reseita entre Portu Dili no Portu Tibar hatudu katak durante trimestre dahuluk 2022 (Janeiru to’o Marsu), Alfándega koleta.
2,838 total views, 3 views today
Bele hare Video Seluk :
Subscribe to Timorpost
