DILI (timorpost.com) — Diretór Ezekutivu SERVE.IP, Florencio Sanches, hatete, dadus hosi Servisu Rejistu Verifikasaun Emprezarial Institutu Públiku (SERVE I.P), ema estranjeiru seiduak domina atividade nagosiu iha Timor-Leste.
“Ema sidadaun estranjéiru la’ós Timoroan ne’e hala’o atividade negosiu hamutuk rihun hitu (7) iha territóriu Timor, ne’ebé na’in ba Empreza, husi rihun 7 ne’e mai husi nasaun hamutuk 67. Mezmu ke sira iha rihun hitu maibé ita Timor sei iha rihun 34, signifika ita sei liu nafatin,” nia informa ba jornalista iha nia servisu fatin, Osindo Surik-Mas Dili, Kuarta (06/09).
Nia dehan, dadus ofisiál númeru rejistu ne’ebé Timor iha 90%, Timor-oan liu ema estranjeiru 10%. Tanba ne’e, dala barak publiku dehan ema ejtranjeiru maka domina atividade negosiu ne’e tanba sira haree de’it iha Estrada prinsipál de’it husi raikotu to’o Bekora ema kulit mutin ka matan bubu mak iha ne’ebá.
“Maibé sira hakilar ne’e haluhan katak ita nia maluk sira halo Negósiu Kontribui taxa, husi Tutuala ema Timoroan, husi Maukatar Suai ne’ebá Timoroan no Ataúru ema Timoroan, tanba ne’e ita labele nega 90% Timoroan ne’ebé ke kontribui ona ba iha taxa, la’ós ema estranjéiru de’it,”nia akresenta.
Nune’e mós, tuir dadus ne’ebé hosi Serbisu Rejistu Verifikasaun Emprezarial Institutu Públiku (SERVE I.P), iha hatudu katak, hahú hosi inisiu Janeiru to’o Agusto 2023, SERVE.IP, rejista Empreza foun hamutuk rihun tolu 3 husi númeru refere maioria empreza Nasionál enkuantu International rua de’it.
Iha fulan Marsu to’o Maiu, rezista tuun uitoan, tanba aserta ho tempu Eleisaun depois mai fali Juñu no Jullu iha númeru aas tebetebes atus lima besik atus neen l, rezista iha fulan ida, ho númeru ne’ebé aas di’ak tebes, empreza sira ne’e bele dehan haluan ona atividade no bele kontribui diversifika Ekonómia hodi hasa’e reseita ba estadu.
“Empreza foun ita iha rihun tolu liu, tanba sá mak númeru foun ne’e aas, tanba lalaok ka Governu foun sempre mai ho nia politika foun no enerjia foun,” Florencio hato’o.
1,899 total views, 75 views today
