DILI (timorpost.com) – Governu liuhusi Ministériu Solidariedade Sosiál no Inkluzaun (MSSI) apoiu fundu ba organizasaun hamutuk 27 hodi sai hanesan parseiru ba MSSI.
“Ita asina MoU ida hodi apoiu fundu ho montante millaun 1.4 USD ba parseiru ka organizasaun hamutuk 27 hodi halo servisu atende ba ema ho defisiénsia matan, fíziku, no ba labarik orfanatu ne’ebé hela iha madre no sentru komunitariu iha Dili no munisípiu sira,” diretór jerál MSSI, Florêncio Pina Dias Gonzaga, hateten ba jornalista sira iha MSSI Kaikoli, Segunda (19/06).
Diretór ne’e esplika, apoiu fundu ida ne’e hodi fasilita organizasaun no parseiru 27 ne’e hodi atende ba labarik orfanatu no labarik vulneravel sira ne’ebé hela iha Madre sira iha Dili no munisípiu sira.
Tanba ne’e mak governu hakarak servisu hamutuk ho organizasaun hirak ne’e hodi tulun no apoiu liuhusi finanseiru no material ruma hodi fasilita sira nia servisu atu atende labarik sira iha organizasaun refere.
Portantu, orsamentu apoiu kada organizasaun ida-idak ho nia montante la hanesan, tanba depende ba sira nia atividade no sira nia programa ne’ebé implementa iha sira nia organizasaun ida-idak nian, maibé depende ba ekipa avaliasaun durante iha diskusaun nia laran.
Nia dehan, apoiu fundu ba organizasaun nian ne’e depende ba organizasaun nia proposta laran husu orsamentu hira no apoiu orsamentu ne’e halo saida no prioridade ba programa saida depois mak ekipa foin fó sai rezultadu katak liu ona maka foin apoiu orsamentu ba sira nia organizasaun nian.
Portantu, iha tinan kotuk MSSI apoiu fundu ba organizasaun hamutuk 29, maibé hasoru difikuldade oi-oin iha ezekusaun orsamentu ho montante millaun ida hodi aloka ba instituisaun hotu-hotu hodi implementa sira nia programa no atividade maski, orsamentu ki’ik, maibé organizasaun ida-idak implementa iha baze la’o ho di’ak.
Tanba organizasaun ida-idak halo servisu ho di’ak hodi atende ba labarik orfanatu no labarik vulneravel ne’ebé hela iha uma mahon sira iha Dili no ba munisípiu.
Iha sorin seluk, diretór ezekutivu Asosiasaun Defisiénsia Halibur Matan Timor-Leste, Gabriel de Sousa, apresia no obrigadu ba governu liuhusi MSSI ne’ebé apoiu ona fundu ba sira nia organizasaun hodi fasilita sira nia atividade formasaun ba membru ADHMTL iha munisípiu no area rural sira hodi partisipa iha setór edukasaun liuliu formasaun letra brawler.
“Maibé ami triste tanba tinan ne’e orsamentu aloka ba programa ne’e ho montante millaun 1.4 USD, maibé nia proposta ne’ebé ami mensiona iha laran ami husu orsamentu hodi halo advokasia ba membru iha munisípiu, maibé ami nia proposta ne’e governu liuhusi MSSI la pasa ba proposta refere”, nia preokupa.
1,044 total views, 3 views today
Bele hare Video Seluk :
Subscribe to Timorpost
