DILI (Timor Post) – Sekretariu Estadu Ambiental (SEA), Deometro do Amaral de Carvalho, Aprezenta Programa kona-ba lisensamentu Ambiental ba programa estratejika no programa revitalizasaun ba plantasaun Kafe ba Primeiru Ministru (PM), Taur Matan Ruak.
“Hau Atualiza servisu nu’udar Sekretariu Estadu Ambiental (SEA) nian, kona-ba Lisensamemtu Ambiental, tanba Projetu ida ne’e nu’udar Estratéjiku ba Programa Revitalizasaun Plantasaun Kafe iha Timor-Leste,” nia hateten hafoin hasoru Primeiru Ministru, iha rezidénsia ofisiál Faról, Sesta (05/08).
Nia dehan, ohin atualiza serbisu SEA nian ba Primeiru Ministru, Taur Matan Ruak, ne’e programa ida ne’ebé importante teb-tebes ba Riku-soin kafe iha Timor.
Parte SEA ko’alia kona-ba lisensiamentu ambientál ba projetu estratéjiku sira no programa revitalizasaun ba plantasaun kafé no dekarbonizasaun ai-mahon ba kafé.
Nia hatene, josi projetu estratéjiku ida mak melloramentu tratamentu resido solido Urbanu, entaun ida ne’e Mak ambiente iha papél importante atu garante emisaun ba lisensamentu.
Nia dehan, Projetu ida atu hahú halo konstrusaun ba Tibar hanesan fatin ne’ebé di’ak liu-liu atu tau lixu, entaun hosi programa ne’e bele hadi’a fatin soe lixu,
“Tanba programa ida ne’e Ami mai halo dialogu ho Primeiru Ministru, ba emisaun lisensa nian”, nia hateten.
Nia esplika, Programa importante loos Mak hosi orsamentu retifikativu, tanba Ministériu Agrikultura no mós Sekretária Estadu Ambiental, kaer programa ida ne’ebé importante loos ba revitalizasaun plantasaun kafé no deskarbonizasaun ai-mahon ba kafé iha Timor Leste.
Ambiente no plantasaun kafe sira ne’ebé iha portofólio ambiente nian, nune’e programa sira ne’e mak sai importante ba SEA nian hodi esplika ba Primeiru Ministru.
“Ami hahú transferénsia osan semana ida ne’e hahú tama ona konta Ambiente nian, nune’e fiar katak planu sira ne’ebé ohin aprezenta ona ba PM bele la’o ho di’akak, hodi kuida ita-nia ambiente ba Rikusoin Ita nian, liuliu kafe, ne’ebé nu’udar identidade kulturál”, nia hakotu.
1,726 total views, 3 views today
