Dili (Timor Post) – Semana Mundiál fó susu-been inan nian, ho tema “Eduka no suporta inan sira fó Susu-been ba Bebé sira sei garante Bebé sira livre husi Promosaun no Susu-been formula nian”.
“Benefisiu ba Timor-Leste bainhira adopta asuntu Susu-been inan ninian ita sei bele garante ita-nia Bebé sira livre husi promosaun Susu-been formula no ninia produtu sira seluk”, Diretora Fundasaun Alola, Maria Imaculada, hateten iha Ponte Habibie, Sábadu (06/08).
Nia hatutan, lá’os de’it iha Susu-been formula maibé inklui mós supeta no bibiron no hahán seluk hodi fó ba Bebé atu troka inan nia Susu-been.
“Entuan ida ne’e ita sei atinji di’ak liu ita-nia taxa eskluzivu ita fó susu-been ba Bebé hodi troka husi Inan ba Bebé hodi susesu di’ak liu tan. Signifika Bebé hothotu ita bele garantia sira hotu hetan inan nia Susu-been eskluzivu”, nia esplika.
Nia dehan, agora sira seidauk iha eskluzivu, entaun Kompaña no loja sira ema livre hela hodi halo promosaun.
Nia dehan, kódigu ne’e bele iha promosaun Susu-been ho nia produtu sira hodi nune’e labele atrai inan sira no Ema ne’ebé tau matan ba Bebé sira hodi troka fali inan nia Susu-been no hahán husi Formula Susu-been sira.
“Atu kontrola promosaun livre ba Susu-been formula hanesan sira kuandu sosa susu-been rua, entaun sira hetan promosaun ka gratis buat sira ne’e labele”, nia esplika.
Maria saliente, depois promove susu-been tau iha loja oin hodi uza Bebé nia foto de’it dehan susu-been di’ak liu ba Bebé maibé buat sira ne’e labele, tanba iha kódigu mós hatete inan maka ai-han di’ak liu ba Bebé, entaun buat sira labele foti fali prinsipiu susu-been inan nian.
2,892 total views, 6 views today
